काठमाडौ । सेन्चुरी बैंकले ४०प्रतिशद हकप्रद सेयर भर्ने म्याद १५ दिन थप गरेको छ । यो हकप्रदमा अब असोज २ गतेसम्म भर्न पाइनेछ । यसअघि बैंकले भदौ १८ गतेसम्म मात्र हकप्रद भर्ने म्याद तोकेको थियो । केही लगानीकर्ताको आग्रहमा हकप्रद भर्ने म्याद थप गरिएको सम्बद्ध स्रोतले जानकारी दिएको छ ।
बैंकले साउन १६ गतेदेखि १०ः४ अनुपातमा प्रतिकित्ता १०० रुपैयाँ दरको १ करोड ८८ लाख ५४ हजार २५७ कित्ता हकप्रद सेयर बिक्री खुला गरेको हो । यसमा असार २६ गतेसम्म कायम रहेका सेयरधनीले मात्र आवेदन दिन सक्नेछन् । लगानीकर्ताले सीटीसी मल सुन्धारास्थित बिक्री प्रबन्धकको कार्यालय र सेन्चुरी बैंकको केन्द्रीय तथा सम्पूर्ण शाखा कार्यालयबाट हकप्रद सेयरमा आवेदन दिन सक्नेछन् ।
बैंकले गत साउन १६ गतेदेखि १०ः४ अनुपातमा प्रतिकित्ता १०० रुपैयाँ दरको १ करोड ८८ लाख ५४ हजार २५७ कित्ता अर्थात् १ अर्ब ८८ करोड रुपैंया बराबरको हकप्रद सेयर बिक्री खुला गरेको हो । असार २६ गतेसम्म कायम रहेका सेयरधनीले मात्र उक्त हकप्रदमा आवेदन दिन सक्नेछन् ।
हकप्रदको बिक्री प्रबन्धक सिभिल क्यापिटल मार्केट हो । लगानीकर्ताले सीटीसी मल सुन्धारा स्थित बिक्री प्रबन्धकको कार्यालय र सेन्चुरी बैंकको केन्द्रीय तथा सम्पूर्ण शाखा कार्यालयबाट हकप्रदका लागि आवेदन दिन सक्नेछन् । सेन्चुरीले केही समय अघिमात्र इन्नोभेटिभ र अरनिको डेभलपमेन्ट बैंकलाई एक्वायर गरेर एकीकृत कारोवार सुरु गरेको थियो ।
यी दुई विकास बैंकलाई एक्वायर गरेपश्चात कायम भएको चुक्ता पुँजीबाट बैंकले ४० प्रतिशत हकप्रद निष्काशन गरेको हो । यो हकप्रद सेयर गाभिएका अरनिको र इन्नोभेटिभ डेभलपमेन्ट बैंकका सेयरधनीले पनि भर्न पाउनेछन् । तर एक्वायर गरी एकीकृत कारोबार सुरु गरिसकेको सगरमाथा फाइनान्सका सेयरधनीले भने यो हकप्रद भर्न पाउने छैनन् ।
प्रकाशित मितिः२०७४ भाद्र १७
वि.सं.२०७४ भदौ १७ शनिवार १०:४५ मा प्रकाशित