चितवन । नेकपा एमालेका अध्यक्ष केपी शर्मा ओलीले प्रधानमन्त्री शेरबहादुर देउवालाई राजीनामा दिन सुझाव दिएका छन् । प्रेस चौतारी चितवनले आयोजना गरेको पत्रकार सम्मेलनमा अध्यक्ष ओलीले प्रधानमन्त्री देउवाले भारतमा गएर आफ्नो असफलता प्रस्तुत गरेर रुनुभन्दा राजीनामा दिनु राम्रो हुने बताए ।
ओलीले भने, ‘त्यही गएर गिड्गिडाउनु भन्दा सकिन हजुर भनेर राजीनामा दिएको भएर बेस हुन्थ्यो ।’
ओलीले नेपालको सार्वभौम संसदको धज्जी उडाएर देउवाले गम्भीर गल्ती गरेको बताए । अध्यक्ष ओलीले सार्वभौमसत्ता र स्वधानिताको पक्षमा एमालेले लडेका कारण कर्नरमा पुर्याउन खोजिएको बताए ।
शमा सामाजिक सद्भाव र एकतालाई खल्वल्याउने, राष्ट्रिय एकतालाई कमजोर बनाउने र देशको हितभन्दा सत्ता स्वार्थ र तत्कालको लाभ लिइहाल्ने तत्वहरु एक भएर एमालेबिरुद्धमा लागेको उनको आरोप छ ।
प्रकाशित मितिः २०७४ भदौ १८
वि.सं.२०७४ भदौ १८ आइतवार १४:०० मा प्रकाशित
