काठमाडौ । पोखरा विश्वविद्यालयले आफ्ना आंगिक तथा सम्बन्धन प्राप्त कलेजमा विभिन्न विषयमा छात्रवृत्ति खोलेको छ । बुधबार एक सूचना प्रकाशित गर्दै पोखरा विश्वविद्यालयले छात्रवृत्ति खोलेको हो ।
विश्वविद्यालयले आंगिक क्याम्पसहरुमा स्वीकृती भर्नाको २० प्रतिशत तथा सम्बन्धन प्राप्त कलेजमा भर्ना स्वीकृती प्राप्त कोटाको १० प्रतिशत निशुल्क छात्रवृत्ति उपलब्ध गराउँदैं आएको छ । उक्त छात्रवृत्तिका लागि पोखरा विश्वविद्यालयले खुल्ला प्रतियोगिताबाट योग्यता पुगेका विद्यार्थीहरु छनोट गर्दै आएको छ ।
विश्वविद्यालयले ६० प्रतिशत खुल्ला र ४० प्रतिशशत दलित, जनजाति, दुर्गम क्षेत्र, अपांग, शहीद तथा जनआन्दोलनका घाइते र मधेशी समुदायका लागि सुरक्षित गरेको छ । छात्रवृत्तिका लागि २५ भदौबाट आवेदन फर्म वितरण हुनेछ भने २५ असोजसम्म आवेदन दिइसक्नुपर्नेछ ।
छात्रवृत्तिका लागि आवेदन शुल्क १ हजार रुपैयाँ तोकिएका छ । परीक्षा भने विज्ञान प्रविधी र स्वास्थ्य विज्ञान संकायको ७ कात्तिकमा हुनेछ भने ब्यवस्थापन, मानविकी तथा सामाजिकशास्त्र संकायको ८ कात्तिकमा हुनेछ ।
प्रकाशित मितिः२०७४ भदौ २१
वि.सं.२०७४ भदौ २१ बुधवार १४:२० मा प्रकाशित