उत्तर कोरियाली क्षेप्यास्त्र चुनौतिको सुरक्षार्थ दक्षिण कोरियाको एक शहरमा जडान गरिएका अमेरिकी अत्याधुनिक क्षेप्यास्त्र प्रतिरक्षा प्रणालीलाई लिएर भएका प्रदर्शनमा प्रहरी र स्थानियबिच भएको भिडन्तमा परी बिहिबार दर्जनौ घाइते भएका छन् । उत्तरका लगातार भइरहेका हतियार परिक्षण र आइतबारको हाइड्रोजन बम परिक्षणप्रति सिओल कडा रुपमा प्रस्तुत भएपछि यो घटना भएको हो ।
दक्षिण कोरियाका राष्ट्रपति मुन जाइ इन र जापानी प्रधानमन्त्री शिन्जो आबेको रुसमा भएको भेटवार्ताले उत्तर कोरियालाई कडा सजाय दिने तथा तेल सप्लाइ पनि बन्द गर्ने सहमतिपछि भिडन्त भएको हो । रुसका राष्ट्रपति भ्लादिमिर पुटिनले भने प्रतिबन्ध समस्याको समाधान नभएको भन्दै दक्षिणको यो प्रस्ताव अस्वीकार गरिसकेका छन् ।
टर्मिनल हाइ एल्टिच्युड एरिया डिफेन्स सिस्टम (ठाड) जडान गरिएको सियोङ्जुको ग्रामिण क्षेत्रमा बुधबारदेखि धर्ना दिइरहेका ४०० जनामाथि प्रहरी खनिएका थिए । प्रदर्शनकारीले सडक अवरुद्घ गर्न प्रयोग गरेका कारका सिसा प्रहरीले फुटाएको थियो भने यस घटनामा ६ जना प्रहरीसहित ३८ जना घाइते भएका थिए तर कसैलाई पनि गम्भिर चोट नआएको स्थानिय दमकल अधिकारीले जानकारी दिएका छन् ।
ठाडको जडानबाट हुनसक्ने स्वास्थ्य समस्या र उत्तरको सम्भावित आक्रमणलाइ लिएर स्थानिय बासिन्दा प्रदर्शनमा उत्रिएका थिए ।
प्रकाशित मितिः २०७४ भदौ २२
वि.सं.२०७४ भदौ २२ बिहीवार १४:३१ मा प्रकाशित