काठमाडौ । नेको इन्सुरेन्सको १० प्रतिशत बोनस सेयर सुरक्षित गर्ने आज (बुधबार) अन्तिम दिन हो । कम्पनीले असोज १० गते २२ औं वार्षिक साधारण सभा गर्न बिहीबारदेखि बुक क्लोज गर्दैछ ।
वार्षिक साधारण सभामा कम्पनीले बोनस सेयरपछि कायम हुने चुक्तापुँजीबाट ५० प्रतिशत हकप्रद जारी गर्ने बिशेष प्रस्ताव पेश गर्दैछ । त्यस्तै, बोनस सेयरमा लाग्ने कर तिर्न कम्पनीले ३७ लाख ५७ हजार ८४ रुपैयाँ नगद लाभांस दिने प्रस्ताव पनि साधारण सभामा लैजाँदैछ । बोनस र हकप्रदमार्फत चुक्ता पुँजी बढाउने लक्ष्य कम्पनीले लिएको देखिन्छ छ । साधारण सभा नेपाल पर्यटन बोर्ड भृकुटीमण्डपमा बिहान ११ बजे सुरु हुनेछ । हाल नेकोको चुक्ता पुँजी ७१ करोड २८ लाख ९५ हजार रुपैयाँ छ । गत आर्थिक वर्षको चौथो त्रैमासमा कम्पनीले २१ करोड ८७ हजार रुपैयाँ खुद नाफा कमाएको छ । प्रतिसेयर आम्दानी २९ रुपैयाँ ४६ पैसा ९वार्षिक० रहेको नेकोको प्रतिसेयर नेटवर्थ भने १७३ रुपैयाँ ११ पैसा छ ।
प्रकाशित मितिः२०७४ भदौ २८
वि.सं.२०७४ भदौ २८ बुधवार १२:१७ मा प्रकाशित