काठमाडौ । सनराइज बैंकले सेयरधनीलाई १५ प्रतिशत बोनस सेयर दिने भएको छ । तर बोनस सेयरमा लाग्ने कर भने सेयरधनीबाटै उठाउने बैंकले जनाएको छ ।
बिहीबार बसेको बैंकको २७७ औं सञ्चालक समिति बैठकले आगामि असोज लिलामीमा बिक्री गरिने सेयरपछि कायम हुने चुक्ता पुँजीको १५ प्रतिशत बोनस सेयर दिने निर्णय गरेको हो । हकप्रद तथा हकप्रद नबिकेर लिलामी भरेका सेयरधनीले समेत बोनस सेयर पाउनेछन् । लिलामीमा सेयर बिक्री गरिसकेपछि बैंकको चुक्ता पुँजी ७ अर्ब ८ करोड ९१ लाख ७९ हजार रुपैयाँ पुग्नेछ ।
यो पुँजीबाट बैंकले १ अर्ब ६ करोड ३३ लाख ७६ हजार ८५० रुपैयाँ बराबरको बोनस सेयर दिने भएको हो । बोनस दिइसकेपछि सनराइजको चुक्ता पुँजी ८ अर्ब १५ करोड २५ लाख ५५ हजार ८५० रुपैयाँ पुग्नेछ ।
बैंकले प्रस्ताव गरेको लाभांश राष्ट्र बैंकको स्वीकृति पश्चात बैंकको आगामी साधारणसभाले पारित गरेपछि लगानीकर्तालाई वितरण गरिनेछ ।
प्रकाशित मितिः २०७४ भदौ ३०
वि.सं.२०७४ भदौ ३० शुक्रवार १२:५० मा प्रकाशित