काठमाडौं । एभरेष्ट बैंकले सर्वसाधारण समूहको २ लाख ५३ हजार ७९७ कित्ता सेयर लिलामी आइतबार बन्द हुँदैछ । आइतबार कार्यालय समयभित्र लिलामीको बोलपत्र पेस गरिसक्नुपर्नेछ ।
एभरेष्टको हाल बजार मूल्य भने १२ सय ४० रुपैयाँ छ । राष्ट्र बैंकले तोकेको चुक्ता पुँजी पुर्याउन प्रयासरत रहेको एभरेष्टले असार १८ गतेदेखि साउन २२ गतेसम्म १ करोड ५० लाख ८८ हजार ८७ कित्ता (३३५) हकप्रद सेयर बिक्री खुला गरेको थियो ।
लगानीकर्ताले लिलामीको बिक्री प्रबन्धक एनआइबीएल क्यापिटल मार्केट्स, लाजिम्पाट काठमाडौं पुग्ने गरी आवेदन फारम बुझाउनुपर्नेछ । बोलपत्र सोमबार बिहान १० बजे एनआइबीएल क्यापिटल मार्केट्स, लाजिम्पाट काठमाडौंमा खोलिनेछ ।
एभरेष्टको प्रतिसेयर आम्दानी ४३ रुपैयाँ ७८ पैसा र प्रतिसेयर नेटवर्थ २२९ रुपैयाँ ९९ पैसा छ ।
प्रकाशित मितिः २०७४ असोज १
वि.सं.२०७४ असोज १ आइतवार १०:५७ मा प्रकाशित