काठमाडौं । स्थानीय तह निर्वाचन अन्तर्गत प्रदेश २ मा बिहान ७ बजेदेखि मतदान सुरु भएको छ । मतदान साँझ ५ बजेसम्म हुनेछ ।
मतदानका लागि १३६ वटै स्थानीय तहमा उल्लासमय उपस्थिति देखिएको छ । मतदाताहरु बिहानैदेखि मतदानका लागि लाममा लागेको त्यहाँस्थित हाम्रा संवाददाताहरुले जनाएका छन् ।
प्रदेश २ मा १ महानगरपालिका, ३ उपमहानगरपालिका, ७३ नगरपालिका र ५९ गाउँपालिका रहेका छन् । निर्वाचन आयोगका अनुसार, ६ हजार ६ सय २७ पदका लागि त्यहाँ हुन लागेको निर्वाचनमा ३७ हजार २ सय ३६ उम्मेदवार मैदानमा छन् । २६ लाख ६४ हजार ९ सय ५० मतदाताले मतमार्फत यी उम्मेदवारहरु मध्येबाट आफ्ना प्रतिनिधि चुन्नेछन् ।
प्रकाशित मितिः२०७४ असोज २
वि.सं.२०७४ असोज २ सोमवार ०९:५३ मा प्रकाशित
