काठमाडौ । सहारा विकास बैंकले सेयरधनीलाई २५० प्रतिशत हकप्रद जारी गर्ने अनुमति माग गर्दै नेपाल धितोपत्र बोर्डमा निवेदन दिएको छ । हकप्रद निष्काशन गर्न बैंकले भदौ २८ गते धितोपत्र बोडमा निवेदन दिएको हो ।
बैंकले १०० रुपैंया अंकित १८ लाख २४ हजार ८७० कित्ता हकप्रद बिक्री गर्न अनुमति माग गरेको छ । सर्लाहीको एकजिल्ले सहारा बिकास बैंक आफैले चुक्ता पूँजी पुर्याउन नसक्ने भएपछि काठमाडौमा केन्द्रीय कार्यालय रहेको देव बिकास बैंकसँग बेचिने सम्झौता गरेको थियो । देवसँग बेचिने भएपछि २०७३ पुस २९ गते सम्पन्न छैठौ वार्षिक साधारण सभाले पारित गरेको २५० प्रतिशत हकप्रद सेयर रद्ध गर्ने निर्णय गर्दे देवसँग एक्वायर हुने निर्णय गरेको थियो ।
बैंकले देवः विकास बैंकसँग एक्वायर हुने भएपछि २५० प्रतिशत हकप्रद ल्याउने साधारण सभाको निर्णयलाई खारेज गर्नका लागि बोलाएको विशेष साधारण समेत पटक पटक रद्ध भएको थियो ।
धितोपत्र निष्काशन तथा बाँडफाँट निर्देशिका २०७४ जारी गर्दे धितोपत्र बोर्डले दफा १२ को उपदफा १० मा साधारणसभाबाट हकप्रद जारी गर्ने निर्णय गरिसकेपछि रद्ध गर्न नपाउने व्यवस्था गरेपछि बैंक अन्ततः हकप्रद जारी गरेर मात्र एक्वायरमा जानुपर्ने अवस्था सिर्जना भएको हो ।
निर्देशिका विपरित हकप्रद खारेजी गर्न लागेको भन्दै केही सेयरधनीले धितोपत्र बोर्डमा उजुरी समेत गरेका थिए । त्यसपछि धितोपत्र बोर्डले प्रस्तावित हकप्रद ल्याउनैपर्ने निर्देशन जारी गरेको पछि बैंकले हकप्रद जारी गर्न लागेको हो । हकप्रदमा एनआइबीएल क्यापिटलले बिक्री प्रबन्धकको काम गर्नेछ ।
प्रकाशित मितिः २०७४ असो २
वि.सं.२०७४ असोज २ सोमवार ०९:५७ मा प्रकाशित