काठमाडौ। रुपन्देहीमा केन्द्रिय कार्यालय रहेको स्वाभिमान माईक्रोफाइनान्स वित्तीय संस्था लिमिटेडको प्रथम वार्षिक साधारणसभाले चूक्ता पूंजी ६ करोड रुपैयाँ पुर्याउने प्रस्ताव पारित गरेको छ । साधारण विद्यमान चूक्ता पूंजीको १ः२ अर्थात १ कित्ता बराबर २ कित्ताको अनुपातमा हकप्रद शेयर जारी गर्ने निर्णय गरेको हो ।
सभाले आर्थिक वर्ष २०७३र७४ को वार्षिक प्रतिवेदन पारित गर्नुको साथै संस्थापक शेयरधनीहरुको तर्फबाट सन्तोष नारायण श्रेष्ठ, कैलाश बिकाश बैंकको तर्फबाट कृष्ण प्रसाद अर्याल, मधुसुदन कुमार श्रेष्ठ र गिरिराज पाठकलाई संचालक पदमा निर्विरोध निर्वाचित समेत गरेको छ । संचालक समितिको बैठकले समितिको अध्यक्षमा सन्तोष नारायण श्रेष्ठलाई चयन गरेको छ ।
संस्थाले १० वटा शाखा कार्यालय मार्फत लघुवित्त बैंकिङ सेवा प्रदान गरिरहेको छ । कैलाश विकास बैंकद्वारा प्रवर्धित यस कम्पनिमा प्रतिष्ठित उद्मोगी, व्यवसायी, बैंकर तथा चार्टर्ड एकाउण्टेण्टहरुको लगानी रहेको छ ।
प्रकाशित मितिः २०७४ असो २
वि.सं.२०७४ असोज २ सोमवार १०:२६ मा प्रकाशित