काठमाडौ। नेपाल इन्भेष्टर्स फोरमको अध्यक्षमा अम्बिकाप्रसाद पौडेल चयन भएका छन् । यस्तै फोरमको उपाध्यक्षमा छोटेलाल रौनियार चयन भएका छन् ।
भदौ २१ गते फोरमका अध्यक्ष डा. आत्मराम घिमिरे र उपाध्यक्ष रणकेशव प्रधानले भदौ २६ गते राजीनामा गरेपछि बाँकी कार्यकालका लागि अध्यक्षमा पौडेल र उपाध्यक्षमा रौनियार सर्वसहमतिमा चयन गरिएको फोरमका महासचिव बच्चुराम रिमालद्धारा जारी विज्ञप्तिमा उल्लेख छ ।
त्यस्तै फोरमको रिक्त कार्यकारिणी सदस्य पदमा अञ्जिव तुलाधर र अतितलाल श्रेष्ठलाई मनोनयन गरिएको छ ।
विज्ञप्तिमा भनिएको छ, विगत लामो समयदेखि नेपाल स्टक एक्स्चेञ्ज लिमिटेडको प्रमुख कार्यकारी अधिकृत पद रिक्त रहन गएकोमा पूँजी बजार विकासका लागि सक्षम योग्य एवं अनुभवी प्रमुख कार्यकारी अधिकृत अविलम्ब नियुक्तिका लागि नेपाल सरकारसँग फोरम जोडदार माग गर्दछ ।
प्रकाशित मितिः २०७४ असो २
वि.सं.२०७४ असोज २ सोमवार १२:०६ मा प्रकाशित
