काठमाडौ । प्रमुख तीन दल शिक्षा ऐनमा झेल गरेर अस्थायी शिक्षकबाट बढी नै मात्रामा स्थायी पूर्ति गर्ने कसरतमा लागेको खुलासा भएको छ । अस्थायी शिक्षक दरबन्दीलाई खुल्ला प्रतिस्पर्धामार्फत पूरा गर्नुको साटो दलहरु मिलिभगतमा ७५ प्रतिशत आन्तरिक पदपूर्तिद्वारा पूर्ति गर्ने कसरतमा लागेका छन् ।
सोमबार भएको खुलासाअनुसार त्यसका लागि तीन दल नेपाली कांग्रेस, नेकपा एमाले र माओवादी केन्द्र सहमतिको नजिक पुगेको उल्लेख गरेको छ । यसअघि शिक्षा ऐनको आठौं संशोधनमा ४९ प्रतिशत आन्तरिक प्रतिस्पर्धाबाट र ५१ प्रतिशत खुल्लाबाट पूर्ति गर्ने ब्यवस्था रहेको थियो । उक्त संशोधनमा सेवाबाट आउट हुन चाहने अस्थायी शिक्षकलाई गोल्डेन ह्याण्डसेकको ब्यवस्था समेत गरिएको थियो ।
तर, देउवा सरकार बनेलगतै आएका नयाँ शिक्षा मन्त्री गोपालमान श्रेष्ठले अस्थायी शिक्षकहरुको आन्दोलनलाई कारण देखाउँदैं शिक्षा ऐनको नवौ संशोधन अगाडि बढाए । उनले अगाडि बढाएको संशोधनमा ६० प्रतिशत आन्तरिक र ४० प्रतिशत खुल्लाबाट पदपूर्ति गर्ने ब्यवस्था प्रस्ताव गरिएको छ । तर, उक्त संशोधनमा दलका सांसदहरुले संशोधन हालेका छन् ।
अस्थायी शिक्षकहरुलाई ७० प्रतिशत भर्ति गरिए सामुदायिक र सरकारी विद्यालयको गुणस्तर खस्कने चिन्ता विज्ञहरुले प्रकट गरेका छन् । तीन दलकै मिलिभगतमा यस्तो निर्णय गरिए त्यसले सामुदायिक र सरकारी शिक्षाको गुणस्तरमा ठूलै प्रभाव पार्ने देखिन्छ ।अनलाईनखबरबाट
प्रकाशित मितिः २०७४ असो ३
वि.सं.२०७४ असोज ३ मंगलवार १३:२५ मा प्रकाशित
