नयाँ दिल्ली।दिल्ली काङ्ग्रेसका कार्यकर्ताले पेट्रोलियम पदार्थको मुल्य उच्च बनाएको र यसले सामान्य जनजीवनमा प्रभाव परेको भन्दै आगामी बिहीबार मानव साङ्लो बनाएर विरोध प्रदर्शन गर्ने जनाएको छ ।
पेट्रोलियम पदार्थमा बर्तमान नरेन्द्र मोदी तथा मुख्यमन्त्री केजरीवालका दलले अकल्पनीय रूपमा करको दरमा वृद्धि गरेको बिषय मानव साङ्लो प्रदर्शन मार्फत् सर्वसाधारणलाई जानकारी गराउने उद्देश्यले प्रदर्शन गर्न लागिएको उक्त दलका दिल्ली इकाई प्रमुख अजय माकेनले बताए। विरोध प्रदर्शन शान्तिपूर्ण रूपमा गरिने र यसले दिल्लीको ट्राफिकलाई प्रभावित नतुल्याउने माकेनले बताए।
उनका अनुसार पेट्रोल तथा डिजेलमा मोदी सरकारले विगत तीन बर्षमा एघार पटक मूल्यवृद्धि गरिएको छ। उनले भने “पेट्रोल र डिजेलमा क्रमशः ५१.७८ भारतीय रुपैँया र ४४.४० भारतीय रूपैँया विभिन्न करका रूपमा लिने गरिएको छ ।”दिल्लीमा अहिले पेट्रोलको प्रति लिटर ७०.५२ भारतीय रूपैँया र डिजेल प्रति लिटर ५८.८५ भारतीय रूपैँया पर्छ ।रासस/पीटीआई
प्रकाशित मितिः २०७४ भदौ ४
वि.सं.२०७४ असोज ४ बुधवार १०:२५ मा प्रकाशित