काठमाडौ । साईन रेसुंगा डेभलपमेन्ट बैंकले सेयरधनीलाई चुक्ता पुँजी १ अर्ब १० करोड २८ लाख ९२ हजार ३ सय रुपैंयाको २५ प्रतिशतले हुन आउने रकम २७ करोड ५७ लाख २३ हजार १ सय बराबरको बोनस सेयर दिने प्रस्ताव अगाडि बढाएको छ । उक्त बोनस स्विकृतिका लागि बैंकले नेपाल राष्ट्र बैंकमा वित्तीय विवरण पेश गर्ने जनाएको छ ।
लगानीकर्ताले राष्ट्र बैंकको स्विकृति र साधारण सभाबाट पारित भएपछि उक्त बोनस पाउनेछन् ।
यस्तै पूर्णिमा विकास बैंक संचालक समितिको १६५ औं बैठकले आ.व.०७३ ०७४ को खुद मुनाफाबाट सेयरधनीहरुलाई ८ करोड ९० लाख ५० हजार रुपैंया बराबरको बोनस सेयर र कर प्रयोजनका लागि ४४ लाख ५० हजार रुपैंया बराबरको नगद लाभाँश वितरण गर्ने प्रस्ताव गरेको छ ।
उक्त लाभाँश नेपाल राष्ट्र बैंकबाट स्विकृत र बैंकको वार्षिक साधारण सभाबाट पारित भएपछि बाँडफाड गरिने बैंकले जनाएको छ ।
प्रकाशित मितिः २०७४ भदौ ४
वि.सं.२०७४ असोज ४ बुधवार ११:५४ मा प्रकाशित