काठमाडौ । ३८औँ विश्व पर्यटन दिवस भोलि अर्थात २५ तारिखमा मनाइदैँ छ । असोज ११ (२७ सेप्टेम्बर)मा विश्व पर्यटन दिवस परेको भए पनि विजया दशमीको फूलपातीको दिन परेकोले औपचारीक कार्यक्रम २ दिन अगाडि सरेको नेपाल पर्यटन वोर्डद्धारा आइतबार आयोजित पत्रकार सम्मेलनमा जानकारी दिइयो ।
संस्कृति पर्यटन तथा नागरिक उड्डयन मन्त्रालयका सचिव महेश्वर न्यौपानेका अनुसार विश्व भर २७ तारीखका दिन दिगो पर्यटन भन्ने मुल नाराका साथ ३८औँ विश्व पर्यटन दिवस मनाइँदैछ ।
३५ औँ विश्व पर्यटन दिवसको अवसरमा देश भर ५० वटा विभिन्न कार्यक्रम हुने छ पर्यटन बोर्डका प्रमुख कार्यकारी अधिकृत दिपकराज जोशीले जानकारी दिए । उक्त दिवसका अवसरमा २ दर्जन भन्दा बढि पर्यटनसँग सम्वन्धित संस्थाहरुले ठमेलको कर्मचारी सञ्चयकोषको बिल्डीङ अगाडिबाट प्रभातफेरी सुरुभई सहर परिक्रमा गरि पर्यटन बोडमा पुगेर समापन कार्यक्रम हुनेछ ।
प्रकाशित मितिः२०७४ असोज ८
वि.सं.२०७४ असोज ८ आइतवार १३:५८ मा प्रकाशित
