काठमाडौं । कामना सेवा विकास बैंकले १०% हकप्रद प्रस्ताव पारित गर्न कात्तिक १ गते विशेष साधारण सभा बोलाएको छ । बैंकले हाल कायम रहेको २ अर्ब ६ करोड २७ लाख ६९ हजार ८४८ रुपैयाँ चुक्ता पुँजीको १० % हकप्रद निष्कासन गर्न लागेको हो ।
१० %हकप्रद निष्कासनपछि भने बैंकको चुक्ता पुँजी २ अर्ब २६ करोड ९० लाख ४६ हजार ८३२ रुपैयाँ पुग्नेछ । कामना विकास बैंक र सेवा विकास बैंक एक आपसमा मर्ज भएर गत साउन २० गते देखि एकीकृत कारोबार सुरु गरेका हुन् ।
विशेष साधारण सभा होटल पोखरा ग्राण्ड, पोखरा बिरौटामा बिहान ९ बजे सुरु हुनेछ । यस्तै, सभामा बैंकको केन्द्रीय कार्यालय पोखरा, लेखनाथ महानागरपालिकाबाट काठमाडौं महानगरपालिका वडा नं ३० ज्ञानेश्वर आनन्द भैरव मार्गमा स्थानान्तरण गर्ने अर्को विशेष प्रस्ताव पनि पेश हुँदैछ ।
सभा प्रयोजनका लागि बैंकले असोज २४ गते बुक क्लोज गर्नेछ ।
प्रकाशित मितिः २०७४ असोज २०
वि.सं.२०७४ असोज २० शुक्रवार १०:४८ मा प्रकाशित