काठमाडौ । पोखराबाट काठमाण्डौंको लाजिम्पाटमा मुख्यकार्यालय स्थानान्तरण गरेको गरिमा विकास बैंकले न्यूरोडमा शाखा विस्तार गरेको छ । बैंकले काठमाडौ महानगरपालिका वडा नम्बर २२ स्थित नयाँ सडकमा आफ्नो ४८ औं शाखा सञ्चालनमा ल्याएको हो ।
बिस्तारित शाखाबाट लकर सुविधातथा एटीएमका साथै सबै किसिमका बैंकिङ सुविधापाउने बैंकले जनाएको छ । राष्ट्यिस्तरको गरिमा विकास बैंकले म्याग्दीको बेनीमा केन्द्रिय कार्यालय रहेको निलगिरी विकास बैंक र चितवनको सुभेच्छा विकास बैंकलाई आफुमा गाभिसकेको छ ।
गरिमाले राजधानीमा पाँच शाखा सहित देशभर ४८ शाखा तथा १२ एटीएम बुथबाट वित्तीय सेवा प्रदान गर्दै आएको छ । बैंकले केही दिनमा नै रुपन्देहीको मणिग्राममा ४९ औं शाखा बिस्तार गर्दैछ ।
यसका साथै बैंकले निकट भविष्यमा नै प्रदेश नम्बर एकमा १० वटा शाखा सञ्चालनमा ल्याउने तयारी गरिरहेको छ ।
प्रकाशित मितिः २०७४ असोज २५
वि.सं.२०७४ असोज २५ बुधवार १४:१७ मा प्रकाशित
