काठमाडौ । आरएसडीसी लघुवित्त वित्तीय संस्थाले २०० प्रतिशत हकप्रद भर्ने म्याद १५ दिन थप गरेको छ । कम्पनीले असोज २ गतेदेखि कात्तिक ५ गतेसम्मका लागि १ः२ अनुपातमा हकप्रद सेयर बिक्री खुला गरेको थियो । तर यो अवधिमा दसैैंको लामो बिदा परेकाले सञ्चालक समितिको निर्णय अनुसार म्याद थप गर्नु परेको कम्पनीले जनाएको छ ।
अब यो हकप्रद कात्तिक २० गतेसम्म भर्न सकिनेछ । आरएसडीसीले १०० रुपैयाँ अंकित मूल्यको २३ लाख २५ कित्ता हकप्रद सेयर निष्काशन गरेको हो । यसमा भदौ १५ गतेसम्म कायम सेयरधनीलेमात्र आवेदन दिन सक्नेछन् । आरएसडीसीको बिक्री प्रबन्धक एनआइबीएल क्यापिटल मार्केट्स हो ।
एनआइबीएल क्यापिटल मार्केट्स लाजिम्पाट, काठमाडौ तथा आरएसडीसी लघुवित्त वित्तीय संस्थाको कालिकानगर–१२, बुटवल कार्यालयबाट सेयर भर्न दिन सकिनेछ । त्यसैगरी, नेपाल इन्भेष्टमेन्ट बैंकको काठमाडौ उपत्यका बाहिरका सम्पूर्ण शाखा कार्यालयबाट पनि आवेदन दिन सकिनेछ ।
प्रकाशित मितिः २०७४ कार्तिक २
वि.सं.२०७४ कात्तिक २ बिहीवार १०:१० मा प्रकाशित
