जापानको मध्यावधी चुनावको एक्जिट पोलमा जितेपछि जापानका प्रधानमन्त्री सिन्जो आबेले उत्तर कोरिया विरुद्ध कडा रुपमा उत्रिने बताएका छन् । प्रधानमन्त्री आबेले देशको परिवर्तित राजनीतिक संकटका बीच जनादेश बढाउनका लागि एक वर्ष पहिले नै चुनाव गराएको बताएका छन् । पछिल्लो समय उत्तर कोरियाले जापानको उत्तरी द्विप होक्काइदोमा लक्षित गरेर दुई वटा मिसाइल प्रहार गरेको थियो ।
अब सिन्जो आबे सबैभन्दा लामो समय प्रधानमन्त्री बन्नेमा परेका छन् । सिन्जो आबे सन् २०१२ मा प्रधानमन्बी बनेका थिए । सिन्जो आबेले जापानको शान्तिवादी संविधान पनि संशोधन गर्ने पक्षमा छन् ।
जापानको यो संविधान सन् १९४७ मा अमेरिकाको दबाबमा बनेको थियो । संविधानको अनुच्छेद ९ मा युद्धको पूर्ण त्यागको कुरा उल्लेख छ । जसले गर्दा पनि जापानले उत्तर कोरियामाथि कारबाही गर्न संवैधानिक बाटो खुलेको छैन । ताजा जनादेशका साथ संविधान संशोधन गर्ने पक्षमा प्रधानमन्त्री सिन्जो आबे रहेको राजनीतिक विश्लेषकहरुले बताएका छन् ।
प्रकाशित मितिः २०७४ कार्तिक ७
वि.सं.२०७४ कात्तिक ७ मंगलवार १३:१४ मा प्रकाशित
