काठमाडौँ ।नेपाल वायु सेवा निगमले खरिद गरेका नयाँ जहाज आगामी असार सम्ममा नेपाल ल्याउने तयारी भइरहेको छ ।
निगम महाप्रवन्धक सुगतरत्न कंशाकारका अनुसार निगमसंगको सम्झौता बमोजिम टेन्डरदाता अमेरिकाको एएआर कर्पोरेसनले जहाज असार भित्र उपलब्ध गराउन लागेको जानकारी दिए ।
वाइड बडी जहाज आएलगत्तै जापान, दक्षिण कोरिया र साउदी अरेवीयामा उडान सुरु गर्ने तयारी रहेको उनले बताए । यी जहाजले नेपालमा लामो दुरीको उडान भर्ने उनको भनाई छ ।
जहाज खरिदका लागि निमगलाई कर्मचारी संचय कोष र नागरिक लगानी कोषले १२ –१२ अर्ब कर्जा लगानी गरेका छन, जसमध्ये पहिलो किस्ता स्वरुप निगमले आठ अर्ब रुपैयाँ फ्रान्सको टुलुसस्थित जहाज निर्माण कम्पनीलाई पठाइसकिएको कंसाकारले जानकारी दिए ।
निगमले हाल मलेसियाको क्वालालम्पुर, भारतको नयाँ दिल्ली र मुम्बई, हङकङ, दुबई, दोहा लगायतका गन्तव्यमा उडान गर्दै आएको छ ।
प्रकाशित मितिः २०७४ कार्तिक १०
वि.सं.२०७४ कात्तिक १० शुक्रवार १०:३१ मा प्रकाशित
