हरिशरण न्यौपाने, काठमाडौ । पर्वतीय तथा पदयात्रा क्षेत्रको छाता संस्था ट्रेकिङ एजेन्सिज् एसोसियसन अफ नेपाल (टान)को आगामि कार्यकालको नेतृत्व हत्याउनका लागि मुख्यरुपमा २ पक्षबीच चुनावी भिडन्त हुने देखिएको छ । टानको पूर्वकार्यसमितिको महत्वपूर्ण पदमा रहेर अनुभव संगालेका नवराज दाहाल र मोहन लम्सालबीच प्रतिष्पर्धा हुने देखिएको हो ।
दुवै पक्षले प्यानलसहित आफ्नो उम्मेदवारी घोषणा गरेको छ । नेकपा (एमाले) र नेकपा माओवादी(केन्द्र) सहित बाम गठबन्धनको समर्थनमा नवराज दाहाल नेतृत्वको प्यानल खडा भएको छ । त्यस्तै नेपाली कांग्रेस लगायत प्रजातान्त्रिक र स्वतन्त्र गठबन्धनको तर्फबाट मोहन लम्साल नेतृत्वको प्यानल खडा भएको छ । अन्य स्वतन्त्र उम्मेदवारीले यी दुई प्रतिष्पर्धीहरुलाई धक्का दिने देखिएपनि मुख्यत: यी दुई पक्षबीच नै चुनावी प्रतिष्पर्धा हुनेछ ।
दाहाल नेतृत्वमा को–को छन् ?
नवराज दाहाल नेतृत्व समूहको बरिष्ठ उपाध्यक्षमा पूर्णचन्द्र भुषाल, प्रथम उपाध्यक्षमा जीवन थापामगर, द्वितीय उपाध्यक्षमा ऋषिप्रसाद नेपाल, महासचिवमा आङ पेम्बा शेर्पा, सचिवमा सुजन लामिछाने, कोषाध्यक्षमा रामकृष्ण तिमल्सिना र सह–कोषाध्यक्षमा तारा लामा रहेका छन् ।
त्यस्तै, कार्यसमिति सदस्यहरुमा कविता लामिछाने रिजाल,रविन्द्र अधिकारी, राजनप्रसाद काप्री,गोपाल श्रेष्ठ, जीवन लामा,बाबुराम गुरुङ, सुकबहादुर लामा,हरिशरण खरेल र हर्कबहादुर गुरुङ रहेका छन् ।
यस समूहका अध्यक्षका प्रत्यासी दाहालले आफ्नो टिम समावेशी र व्यवसायिक भएकोले जीत सुनिश्चित रहेको दाबी गरेका छन् ।
लम्साल नेतृत्वमा को–को छन् ?
यता मोहन लम्साल नेतृत्व समूहको बरिष्ठ उपाध्यक्षमा खुम बहादुर सुवेदी, प्रथम उपाध्यक्षमा बाबुकाजी सिटौला, द्वितीय उपाध्यक्षमा निलहरी बास्तोला, महासचिवमा चेवन देवकोटा, सचिवमा चोलेन्द्रबहादुर कार्की, कोषाध्यक्षमा सुवास केसी, सह–कोषाध्यक्षमा किरण धरेल रहेका छन् । त्यस्तै, कार्यसमिति सदस्यहरुमा शेरबहादुर परियार, तपन राजभण्डारी, लाम्गेल जांग्बु शेर्पा, जंगबहादुर लामा, आङ बाबु शेर्पा, ऋतु ग्यान्दम, सूर्य बहादुर थापा, कुलप्रसाद सुवेदी र सरोज कटेल रहेका छन् ।
यस समूहका अध्यक्षका प्रत्यासी लम्सालले व्यवसायिक टान निर्माण गर्नको लागि आफ्नो प्यानल चुनावी मैदानमा उत्रिएको र आफ्नो समूह व्यवसायिक, समावेशी भएकाले जीत सुनिश्चित रहेको दाबी गरेका छन् ।
ट्रेकिङ एजेन्सिज एसोसिएसन अफ नेपाल (टान)को आसन्न निर्वाचन यहि कार्तिक १२ गते होटल हायातमा हुन गईरहेको छ ।
प्रकाशित मितिः २०७४ कार्तिक १०
वि.सं.२०७४ कात्तिक १० शुक्रवार १२:५० मा प्रकाशित