तौल कमबारे छानबिन गर्न समिति गठन

काठमाडौँ । कृषि विकास मन्त्रालयले भारतको सरकारी कम्पनी ब्रह्मपुत्र भ्याली फर्टिलाइजर कम्पनी लिमिटेडबाट विराटनगरमा प्राप्त युरिया मलमा तौल कम भएको सम्बन्धमा छानबिन गर्न मंगलबार समिति गठन गरेको छ ।

विभिन्न सञ्चारमाध्यममा मलको तौल कम भएको समाचार आएपछि मन्त्रालयद्वारा पूर्वाञ्चल क्षेत्रीय कृषि निर्देशनालयका निर्देशक हस्तबहादुर विष्टको संयोजकत्वमा कृषि सामाग्री व्यवस्थापन शाखा प्रमुख ईश्वरीप्रसाद पाण्डे र कृषि सामग्री कम्पनी लिमिटेडका अधिकृत प्रतिनिधि सदस्य रहने गरी छानबिन समिति गठन गरिएको हो ।

उक्त समितिले पाँच दिनभित्रमा स्थलगत भ्रमण गरी देखिएको यथार्थका आधारमा प्रतिवेदन सरकारलाई बुझाउने मन्त्रालयका सहप्रवक्ता शंकर सापकोटाले जानकारी दिए ।

मुलुकमा देखिएको रासायनिक मलको अभावलाई न्यूनीकरण गर्न मन्त्रालयका सम्बन्धित प्रतिनिधिले भारतीय दूतावासमा आज छलफल गर्ने बताइएको छ । रासस

प्रकाशित मितिः २०७४ कार्तिक १५

२०७४ कार्तिक १५ गते १०:३५ मा प्रकाशित

You can share this post!

पहाडी जिल्ला सर्पदंशको औषधि नहुँदा समस्या

जंगली हात्ती भगाउन गाउँपालिकाद्वारा टर्चलाइट वितरण

Related posts