काठमाडौ । एक्सेल डेभलपमेन्ट बैंकको ५० प्रतिशत हकप्रद भर्ने मंगलबार (कात्तिक २१) अन्तिम दिन हो । बैंकको २ः१ (२ बराबर थप १) अनुपातको १९ लाख २२ हजार ८१२.५ कित्ता हकप्रद सेयर मंगलबार कार्यालय समयभित्र भरिसक्नुपर्नेछ । यसमा भदौ २० गतेसम्म कायम रहेका सेयरधनीहरुले आवेदन दिन पाउने छन् ।
यस हकप्रदमा बिक्री प्रबन्धकको काम एस क्यापिटलले गरेको छ । लगानीकर्ताले एस क्यापिटल लालदरबार काठमाडौं तथा इन्भेष्टमेन्ट बैंकको उपत्यकाभित्र चाबहिल, न्यूरोड, कीर्तिपुर, जावलाखेल र कौशलटार शाखाबाट आवेदन दिन सक्नेछन् । यसैगरी, इन्भेष्टमेन्टको वीरगन्ज, चितवनको पर्साबजार र नारायणगढ, उर्लाबारी, प्युठान र संखुवासभा शाखाबाट पानि आवेदन दिन पाइनेछ । एक्सेलको शाखाबाट हकप्रदमा आवेदन दिनसक्ने व्यवस्था छ ।
हकप्रद सेयर बिक्रीपछि चुक्ता पुँजी ५७ करोड ६८ लाख ४३ हजार रुपैयाँ पुग्नेछ । बैंकले हालै ३०.१२ प्रतिशत बोनस सेयर दिने घोषणा पनि गरेको छ । त्यस्तै कर मिलान प्रयोजनका लागि बैंकले सेयरधनीलाई १.५८५२६ प्रतिशत नगद लाभाँश पनि दिने भएको छ ।
प्रकाशित मितिः २०७४ कार्तिक २१
वि.सं.२०७४ कात्तिक २१ मंगलवार १३:०१ मा प्रकाशित