काठमाडौ । भार्गव विकास बैंकले शुक्रबार (कात्तिक २४ गते) देखि ८० प्रतिशत हकप्रद सेयर बिक्री खुला गरेको छ । बैंकले १०ः८ अनुपातमा १०० रुपैयाँ अंकित मूल्यको २१ लाख १२ हजार कित्ता बिक्रीमा ल्याएको हो ।
कात्तिक १४ गतेसम्म कायम रहेका सेयरधनीले मात्र यसमा आवेदन दिन सक्नेछन् । उसको बिक्री प्रबन्धक एनएमबि क्यापिटल लिमिटेड नागपोखरी रहेको छ । बिक्री प्रबन्धकको कार्यालय काठमाडौ तथा भार्गव विकास बैंकको मुख्य कार्यालय सुर्खेतरोड नेपालगंज र यसका अधिकांश शाखा कार्यालयहरुबाट हकप्रदमा आवेदन दिन सकिनेछ ।
त्यस्तै, एनएमबि बैंकको उपत्यकाभित्रका शाखा कार्यालयहरु कलंकी, चाबहिल, कुमारीपाटी र सूर्यविनायक तथा उपत्यकाबाहिर तीनदोबाटो बनेपा, मिलनचोक बुटवल, महेनद्रपथ धरान, रंगेलीरोड विराटनगर, सुर्खेतरोड नेपालगञ्ज, बसपार्क रोड धनगढी, न्यूरोड पोखरा, आदर्शनगर वीरगञ्ज, भानुचोक जनकपुर, नारायणगढ चितवन र विर्तामोड झापा शाखाबाट पनि आवेदन दिन सकिनेछ ।यो हकप्रद सेयर मंसिर २८ गतेसम्म भर्न पाइनेछ ।
हाल भार्गवको चुक्ता पुँजी २६ करोड ४० लाख रुपैयाँ छ । हकप्रद निष्काशनपछि यसको चुक्ता पुँजी ४७ करोड ५२ लाख रुपैयाँ हुनेछ ।
प्रकाशित मितिः२०७४ कार्तिक २४
वि.सं.२०७४ कात्तिक २४ शुक्रवार ११:४५ मा प्रकाशित
