काठमाडौं । एनएमबि माइक्रोफाइनान्सको २५ प्रतिशत बोनस पारित भएको छ । मंसीर १५ गते शुक्रवार सम्पन्न पाँचौ बार्षिक साधारण सभाले गत आर्थिक बर्षको नाफाबाट बोनस वितरण गरेको हो । कम्पनीले कर प्रयोजनका लागि १४ लाख ८२ हजार ८९५ रुपैयाँ नगद लाभांश दिने प्रस्ताव समेत पारित गरेको छ ।
त्यस्तै लेखापरीक्षक नियुक्ति, प्रबन्धपत्र विनियमावलीमा आवश्यक संसोधन गर्ने, संचालक समितिको बैठक भत्ता वृद्धि गर्ने प्रस्ताव पारित गर्नुको साथै ब्यक्तिगत समुहबाट प्रतिनिधित्व गर्ने एकजना प्रतिनिधिको समेत नियुक्ति गरेको छ ।
बोनसपछि लघुवित्तको चुक्ता पूँजी ११ करोड २७ लाखबाट वृद्धि भई १४ करोड आठ लाख ७५ हजार रुपैयाँ पुगेको छ । यस वित्तीय संस्थाको हाल ४८ करोड रूपैयाँ निक्षेप संकलन गरि दुई अर्ब ७४ लाख कर्जा लगानी गरेको जनाएको छ ।
वि.सं.२०७४ मंसिर १७ आइतवार १३:२१ मा प्रकाशित