काठमाडौं । नेकपा एमालेले प्रतिनिधिसभा सदस्य पदमा मनाङबाट पनि जित हात पारेको छ । मनाङबाट पोल्देन छोपाङ गुरुङ प्रतिनिधिसभा सदस्यमा चुनिएका छन् ।
पूर्वमन्त्री तथा कांग्रेस नेता टेकबहादुर गुरुङलाई २ सय ८९ मतल पराजित गर्दै गुरुङ विजयी भएका हुन् । पोल्देन छोपाङ २ हजार ३ सय मतसहित जित हात पार्दा प्रतिद्वन्द्वी टेकबहादुरले २ हजार २१ मत पाएका छन् ।
त्यस्तै पूर्वि रुकुमबाट माओवादी केन्द्रकी कमला रोका विजयी भएकी छिन् । रोकाले निकटतम प्रतिस्पर्धि काँग्रेसका हरिशंकर घर्तिमगरलाई ठुलो मतान्तरले पछि पारिन् । रोकाले १०४३४ मत प्राप्त गरेकी छिन् भने घर्तिमगरले ४४०६ मत प्राप्त गरेका थिए ।
मुस्ताङबाट पनि नेकपा एमालेका इन्द्रधरा विष्ट विजयी भएका छन् । प्रदेश सभा (क) बाट विष्टले काँग्रेसका मिंगुर गुरुङलाई पराजित गरेका हुन् । विष्टले ११६७ मत ल्याएर विजयी बने भने गुरुङले ६५७ मत प्राप्त गरेका थिए ।
मनाङ– स्वतन्त्र उम्मेदवार राजिव गुरुङ (दिपक मनाङ्गे) पनि मनाङ प्रदेश सभा (ख) बाट विजयी भएका छन् । गुरुङले १४१० मत प्राप्त गरेका चन भने काँग्रेसका कर्म गुरुङले १०२० मत प्राप्त गरेका थिए ।
मनाङबाटै काँग्रेसले पनि खाता खोलेको छ । काँग्रेसका चिन्तबहादुर घलेले ९९८ प्राप्त गरेका छन भने निकटतम प्रतिद्वन्दी नेकपा एमालेका धोर्जे डण्डुल गुरुङले ८९६ मत प्राप्त गरेका थिए ।
वि.सं.२०७४ मंसिर २२ शुक्रवार ०७:४७ मा प्रकाशित