काठमाडौं । बेष्ट फाइनान्स कम्पनीको २ लाख ९० हजार २३६ कित्ता सेयरको लिलामीको आवेदन मंगलबारदेखि खुलेको छ ।
फाईनान्सले संस्थापक समूहको एक लाख सात हजार ४० कित्ता र सर्वसाधाण समूहको एक लाख ८३ हजार १९६ कित्ता सेयर विक्री गर्न लागेको हो ।
सेयर बिक्री प्रयोजनका लागि ग्लोबल आइएमई क्यापिटललाई बिक्री प्रबन्धक तोकेको छ । लिलामीमा क्यापिटलको कार्यालय जमल, ग्लोबल आइएमई बैंकको शाखा कार्यालयहरु वीरगञ्ज, विराटनगर, पोखरा, बुटवल, नेपालगञ्ज, सुर्खेत र धनगढी शाखा कार्यालयबाट पुस १२ गतेसम्म आवेदन गर्न सकिने ग्लोबल आइएमई क्यापिटलले जनाएको छ ।
वि.सं.२०७४ पुस ५ बुधवार १२:०६ मा प्रकाशित
