काठमाडौ । राधी विद्युत कम्पनी लिमिटेडले गत सोमबारदेखी बिक्रिमा ल्याएको आईपीओको बिक्रि म्याद आजबाट सकिदैछ । कम्पनीले ७ करोड ६४ लाख ५५ हजार रुपैयाँ बराबरको ७ लाख ६ हजार ५५० कित्ता आईपीओ बिक्रीमा ल्याएको थियो । कम्पनीले निष्कासन गरेको साधारण सेयर (आईपीओ) मा आवेदन गर्ने आज अन्तिम दिन हो ।
लगानीकर्ताले न्यूनतम ५० कित्ता अर्थात पाँच हजार रुपैयाँ देखि अधिकतम ३,८०० कित्ता अर्थात ३ लाख ८० हजार रुपैयाँसम्म आवेदन दिन सक्नेछन् । कम्पनीको बिक्री प्रबन्धक नबिल इन्भेष्टमेण्ट बैंकिगं लिमिटेड रहेको छ । लगानीकर्ताले धितोपत्र बोर्डबाट स्वीकृत प्राप्त गरेका सम्पूर्ण आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सक्नेछन् ।
कम्पनीको सेयर बिक्री प्रवन्धक नविल इन्भेष्टमेन्ट बैंकिङ लिमिटेडले निष्कासन भन्दा बढी आवेदन परेकाले बिहीबार बैकिङ समयसम्म मात्र आईपीओका लागि दरखास्त लिने जनाएको छ ।
राधीको चुक्तापुँजी ३३ करोड ३५ लाख ४० हजार रुपैयाँ छ । आईपीओ निष्कासनपछि कम्पनीको चुक्तापुँजी ४१ करोड रुपैयाँ हुनेछ । कम्पनीले घोर्मु गाविस ३ लमजुङमा राधी खोलाको पानी उपयोग गरी ४।४ मेगावाट क्षमताको राधी साना जलविद्युत आयोजना निमार्ण गरेको छ । कम्पनीमा लम्जुङ इलेक्ट्रिसिटी डेभलपमेन्ट कम्पनी लिमिटेड (लेड्को) को ६३.५ प्रतिशत स्वामित्व छ ।
साथै कम्पनीेले दोलखामा निमार्ण हुन लागेको ११ मेगावाटको तल्लो खारे खोला जलविद्युत आयोजनामा समेत लगानी गरेको छ ।
वि.सं.२०७४ पुस ६ बिहीवार ११:४२ मा प्रकाशित