सिद्धार्थ क्यापिटलले पाँच वर्षको अवधि राखेर सार्वजनिक गरेको ५० करोड रुपैयाँको बन्दमुखी सामुहिक योजनाको बारोबार बन्द भएको छ । स्किम परिपक्क भएपछि नेपाल स्टक एक्सचेन्ज (नेप्से) ले यसको कारोबार बन्द गरेको छ। सिद्धार्थ क्यापिटलले पाँच वर्षको अवधि राखेर ५० करोड रुपैयाँको बन्दमुखी सामुहिक योजना सार्वजनिक गरेको थियो।
सामुहिक लगानी कोष नियमावली २०६७ जारी भएपछि आएको पहिलो सामुहिक लगानी कोष अन्तर्गत सिद्धार्थ क्यापिटलले निष्कासन गरेको सिद्धार्थ इन्भेष्टमेन्ट ग्रोथ स्किम योजना आइतबार परिपक्व भएको छ।
१० रुपैयाँ प्रति इकाईका दरले ५० करोड रुपैयाँ बराबरको सामुहिक योजना निष्कासन गरिएको थियो। पाँच बर्षको अवधिमा स्किमले कुल १२५ प्रतिशत नगद लाभांश वितरण गरेको छ । १० रुपैयाँ प्रति एकाईका दरले खरिद गरेका एकाईधनीलाई कम्तिमा २१ रुपैयाँ दरले फिर्ता गर्ने लक्ष्य हो, सिद्धार्थ क्यापिटलका प्रमुख कार्यकरी अधिकृत ध्रुबकुमार तिमल्सिनाले भने।
अबको एकदुई महिना भित्रै लगानी फिर्ता गरिने उनले जानकारी दिए। ‘हामीसँग अहिले ९८ करोड रुपैयाँ नगद छ, जसमध्ये १०र१२ करोड रुपैयाँको शेयरलाई अझै नगदमा परिवर्तन गर्न बाँकी छ’ उनले भने।
वि.सं.२०७४ पुस ९ आइतवार १४:२६ मा प्रकाशित
