काठमाडौ । नेपाल एसबिआई बैंकले १ अर्ब ८ करोड रुपैया बराबरको बोनस सेयर दिने भएको छ । बैङ्कले १५.४२ प्रतिशत बोनस शेयर वितरण गर्ने प्रस्ताव पारित गरेको छ । बुधबार काठमाण्डौमा बसेको बैंकको २४ औं साधारणसभाले कर प्रयोजनको लागि ०.८१५ प्रतिशत नगद लाभांश वितरण गर्ने प्रस्ताव पनि पारित गरेको हो ।
हाल बैंकको चुक्ता पूँजी ६ अर्ब ९७ करोड रूपैयाँ छ । बोनस पश्चात बैंकको चुक्ता पूँजी आठ अर्ब ५ करोड रूपैयाँ नाघ्नेछ ।
साधारणसभाले सर्वसाधारण शेयरधनीको तर्फबाट संचालक समितीमा प्रतिनिधित्व गर्ने संचालकमा बालकृष्ण श्रेष्ठलाई निर्विरोध चयन गरेको छ ।
बैंकले चालू आवको प्रथम त्रैमासमा ४३ करोड ८८ लाख रूपैयाँ खुद नाफा कमाएर प्रतिसेयर आम्दानी २५ रूपैयाँ १८ पैसा कायम गरेको छ ।
२०७४ पुष २० गते प्रकाशित
वि.सं.२०७४ पुस २० बिहीवार १४:४६ मा प्रकाशित