काठमाडौ । पोखरा फाईनान्सले एकैपटक बोनस र हकप्रद बाडने भएको छ । फाइनान्स कम्पनीले गत आर्थिक बर्षको नाफाबाट सेयरधनीलाई ९.५० प्रतिशत बोनस वितरण संगै कम्पनीले १५ हकप्रद विक्री गर्दैछ । कम्पनी सञ्चालक समितिको विहीबार सम्पन्न ४३९ औं बैठकले सो घोषणा गरेको हो । हकप्रदलार्इ समायोजन हुँदा बोनस दर ८.२६ प्रतिशतमा घट्नेछ ।
बोनसपछि फाइनान्सको चुक्ता पूँजी ७१ करोड ८० लाख ८८ हजार रुपैयाँ पुग्नेछ । कम्पनीले १५ प्रतिशत बराबरको ९ लाख ८३ हजार ६८२ कित्ता हकप्रद पुस ३० गतेदेखि विक्री गर्देछ । हकप्रदपछि कम्पनीको चुक्ता पूँजी ८१ करोड ६४ लाख रुपैयाँ पुग्नेछ ।
फाइनान्स कम्पनीले चुक्ता पूँजी ६५ करोड ५७ लाख ८८ हजार रुपैयाँको ९.५ प्रतिशतले हुन आउने ६ करोड २२ लाख ९९ हजार ९०७ रुपैयाँको बोनस तथा बोनसमा लाग्ने कर प्रयोजनका लागि ०.५ प्रतिशतले हुन आउने ३२ लाख ७८ हजार ९४२ रुपैयाँ वितरण गर्ने निर्णय गरेको हो ।
२०७४ पुष २१ गते प्रकाशित
वि.सं.२०७४ पुस २१ शुक्रवार १३:३१ मा प्रकाशित