काठमाडौ । स्पर्स लघुवित्त वित्तीय संस्थाले २ करोड ४० लाखको आईपिओ जारी गर्ने भएको छ । पोखरामा केन्द्रीय कार्यालय रहेको संस्थाले २ करोड ४० लाख रुपैयाँ बराबरको २ लाख ४० हजार कित्ता आइपीओ जारी गर्ने भएको छ ।
संस्थाको प्रथम वार्षिक साधारण सभाले उक्त प्रस्ताव पारित गरेको हो । साधारण सभाले विशेष प्रस्ताव अन्तर्गत प्रबन्धपत्र तथा निमयावलीमा संसोधन, थप पाँच जिल्लामा कार्यक्रम विस्तार गर्ने प्रस्ताव पारित गरेको छ ।
हाल संस्थाको चुक्ता पुँजी ५ करोड ६० लाख रहेको छ । सर्वसाधारणलाई शेयर जारी गरे पश्चात संस्थाको चुक्तापूाजी ८ करोड पुग्नेछ । नेपाल राष्ट्र बैंकबाट ५२ औं लघुवित्त संस्थाको रुपमा अनुमति पाएको स्पर्स लघुवित्तले १० जिल्लामा लघुवित्त कार्यक्रम सञ्चालन गरिरहेको छ ।
त्यस्तै गरी साधारण सभाले प्रा.डा. सुशिल भक्त माथेमा, डा. सुरेन्द्र न्यौपाने र जनता बैंकको तर्फबाट अजय कुमार मिश्र गरी ३ जनालाई संचालकमा निर्वाचित गरेको छ । साधारण सभा पछि बसेको संचालक समितिको बैठकले प्रा.डा.सुशिलभक्त माथेमालाई अध्यक्ष चयन गरेको छ ।
संस्थाले हाल १५ वटा शाखा मार्फत करिब ३४ सय सदस्यहरुलाई ११ करोड कर्जा लगानी गरेको र करीब १ करोड ६० लाख बचत संकलन गरेको संस्थाले जानकारी दिएको छ ।
२०७४ पुष २३ गते प्रकाशित
वि.सं.२०७४ पुस २३ आइतवार ११:५७ मा प्रकाशित