काठमाडौ । सामुदायीक लघुवित्त वित्तीय संस्था लिमिटेडले जारी गर्न लागेको ३ लाख कित्ता आईपिओ धितोपत्र बोर्डले रोको छ । संस्थाले माघ ९ गतेदेखि निष्कासन गर्न लागेको साधारण शेयर (आईपीओ) तत्काल जारी नहुने भएको छ । धितोपत्र बोर्डले राष्ट्र बैंकको निर्देशनमा आइपिओ रोक्न निर्देशन दिएपछि हाललाई स्थगन भएको हो।
सामुदायिक लघुवित्त वित्तीय संस्थाले माघ ९ गतेबाट ३ करोड रुपैयाँ बराबरको ३ लाख कित्ता शेयर निष्कासन गर्ने तयारी थालेको थियो । अब बोर्डले पुनः अनुमति दिएपछि मात्र आईपीओ निष्कासन हुने सामुदायिकले जनाएको छ ।
क्यापिटलका एक अधिकारीका अनुसार बोर्डले लेखेको पत्रमा आइपिओ तत्काल रोक्नाको कारण खुलाइएको छैन। अहिले दुई वटा म्युचूअल फण्डको सार्वजनिक निष्कासन भइरहेको र ती फण्डको निर्धारित समयमा सबै इकाईहरु बिक्री नभएर समय थपेको अवस्थामा आइपिओ निष्कासन तत्कालका लागि रोकिएको हुनसक्ने एसबिआई मर्चेन्टका एक अधिकारीले बताए ।
कम्पनीको शेयर निष्कासन तथा बिक्री प्रबन्धक नेपाल एसबिआई मर्चेन्ट बैंकिङ लिमिटेडका अनुसार धितोपत्र बोर्डले नेपाल राष्ट्र बैंकको आग्रहमा कम्पनीको आईपिओ स्थगित गर्न निर्देशन दिएको जनाएको छ ।
यता धितोपत्र बोर्डले भने राष्ट्र बैंकको स्थलगत अनुगमनको क्रममा कम्पनीमा गम्भिर कैफियत भेटिएपछि आइपिओ निष्कासनमा रोक लगाउन निर्देशन दिएको जनाएको छ । कम्पनीको पछिल्लो संस्थागत सुशासनमा समस्या देखिएको र कम्पनीले सार्वजनिक गरेका वित्तीय सूचकहरु अवास्तविक भएको भन्दै राष्ट्र बैंकको निर्देशनमा आइपिओ निष्कासनमा रोक लगाएको बोर्डले जनाएको छ ।
२०७४ माघ ८ गते प्रकाशित
वि.सं.२०७४ माघ ८ सोमवार १२:३३ मा प्रकाशित