काठमाडौ । गण्डकी विकास बैङ्कको ४६ करोड ९ लाख बराबरको हकप्रदमा आवेदन गर्न म्याद सकिन लागेको छ । बैंकले पुस ७ गते शुक्रबारदेखि निष्कासन गरेको ४ बराबर १ को अनुपातको हकप्रद शेयरमा आवेदन गर्ने आज अन्तिम दिन रहेको छ । बैंकले निष्कासन गरेको हकप्रद सेयरमा मंसिर १४ गतेसम्म नेप्सेमा कारोबार भई कायम साविक शेयरधनीहरुले आवेदन दिन सक्नेछन् ।
बैंकले चुक्ता पूँजीको २५ प्रतिशत अर्थात ४६ लाख ९ हजार ८१५ कित्ता शेयर हकप्रद बिक्रीमा ल्याएको हो। बैंकको हकप्रदको बिक्री प्रबन्धकको काम प्रभु क्यापिटलले गरेको छ ।
फेवासँग मर्जपछि बैंकको चुक्ता पूँजी एक अर्ब ८४ करोड ३९ लाख २६ हजार रुपैयाँ पुगेको छ । हकप्रद शेयर निष्काशन पश्चात बैंकको चुक्ता पूँजी दुई अर्ब ३० करोड रुपैयाँ पुग्नेछ ।
शेयरधनीहरुले आस्बा सदस्य बैंक तथा वित्तीय संस्थाहरु र तिनका शाखा कार्यालयबाट आवेदन दिन सक्नेछन् । त्यस्तै विक्री प्रबन्धकको कार्यालय कमलादीका साथमा गण्डकी विकास बैंकका सम्पूर्ण शाखा कार्यालय, प्रभु बैंकका विराटनगर, विरगन्ज, नेपालञ्ज, सुर्खेत र तुलसीपुर शाखाबाट समेत हकप्रद फारम प्राप्त गर्न र बुझाउन सकिने क्यापिटलले जनाएको छ ।
२०७४ माघ ११ गते प्रकाशित
वि.सं.२०७४ माघ ११ बिहीवार १०:२५ मा प्रकाशित
