काठमाडौ । सन नेपाल लाइफ इन्स्योरेन्स कम्पनी लिमिटेडले ६० करोड रुपैया बराबरको साधारण सेयर (आईपिओ) जारी गर्ने भएको छ । इन्स्योरेन्सले उक्त आइपिओ निष्कासनको प्रस्ताव राखेर फागुन ४ गते प्रथम वार्षिक साधारणसभा बोलाएको छ । गत असोजदेखि जीवन बीमा व्यवसाय सुरु गरेको कम्पनीले ३० प्रतिशत साधारण सेयर (आईपीओ) निष्कासन गर्ने भएको हो ।
त्यस्तै कम्पनीको साधारण सभाले नयाँ सञ्चालक समितिको चयन गर्दै प्रमुख कार्यकारी अधिकृतको पारिश्रमिक स्वीकृत गर्ने साथै सञ्चालकको बैठक भक्ता तथा सुविधा सम्बन्धमा पनि निर्णय गर्ने भएको छ ।
कम्पनीमा ७० प्रतिशत सेयर प्रवद्र्धकको रहेको छ । कम्पनीले ३० प्रतिशत अर्थात ६० करोड रुपैयाँ बराबरको ६० लाख कित्ता आईपीओ निष्कासन गर्ने भएको छ । आइपिओ पछि कम्पनीको चुक्ता पूँजी दुई अर्ब रुपैयाँ कायम हुनेछ । साधारणसभा होटल सांग्रिला, लाजिम्पाट काठमाडौंमा हुनेछ
२०७४ माघ ११ गते प्रकाशित
वि.सं.२०७४ माघ ११ बिहीवार १२:३० मा प्रकाशित