काठमाडौ । नेकपा एमालेका अध्यक्ष केपी ओलीले काम चलाउको रुपमा रहेको वर्तमान सरकारले बाम गठबन्धन र एमालेसंग राजनितिक प्रतिसोध साध्नको लागि देशलाई आर्थिक संकटमा धकेलेको आरोप लगाएका छन् ।
पार्टि केन्द्रिय कार्यालय धुम्बाराहीमा आयोजित पत्रकार सम्मेलनमा बोल्दै ओलीले पछिल्लो समय पुँजी बजार अन्तर्गत नेप्सेमा भ्याटको निर्णय देखी देशको सञ्चित रकम खर्च गरेर देशलाई गम्भिर आर्थिक संकट तर्फ धकेल्न देउवा सरकार अवान्छनिय कार्यमा संलग्न रहेको आरोप लगाए ।
अघिल्लो बर्ष सरकार छाड्दा देशको सञ्चित रकम १ सय ४ अर्ब रहेको बताउदै ओलीले वर्तमान सरकारले उक्त रकम सकाउदै बाँकी ४८ अर्बको घाटा लाग्ने गरि आर्थिक अनियमितता गरेको बताए ।
आगामी बाम सरकार देशको आर्थिक सञ्चिती बढाउदै पुँजी बजारमा अत्याधिक सुधार ल्यान प्रतिबद्ध रहेको भन्दै ओलीले पहिलो प्राथमिकतामा देशको आर्थिक समृद्धि रहने बताए ।
जादाजादै देशको ढुकुटी सक्काएर विभिन्न प्रकारका अनैतिक, अव्यावहारिक र देशको लागि गम्भिर घात पु¥याउने खालका निर्णयहरु गर्दै शेर बहादुर देउवाले आफ्नो पार्टि र कार्यकर्ताको बारेमा मात्रै सोचेको ओलीले आरोप लगाएका छन् ।
२०७४ माघ ११ गते प्रकाशित
वि.सं.२०७४ माघ ११ बिहीवार २१:०३ मा प्रकाशित