दोश्रो त्रैमाससम्म टुरिजमको वित्तीय विवरण सार्वजनिक, कस्तो छ मेगासंग मिसिनु अघिको वित्तिय अवस्था ?

काठमाडौ । टुरिजम् डेभलपमेन्ट बैकको दोस्रो त्रैमासको वित्तीय विवरणमा तीन करोड नाफा घटेको छ । बैंकको खुद नाफा गत बर्ष १४ करोड ६३ लाख रहेकोमा ११ करोड २९ लाखमा खुम्चिएको हो ।

मेगा बैकसँग गाभिने प्रकृयामा रहेको बैकको निष्कृय कर्जा समीक्षा अवधिमा १.३० प्रतिशतवाट २.१३ मा पुग्दा बैकले जोखिम कोषको रकम चार करोड ९५ लाखबाट आठ करोड ७२ लाख पुगेको छ ।

दुई अर्ब एक करोड रुपैयाँ चुक्ता पूँजी रहेको टुरिजम् बैंकले ६४ करोड ९१ लाख जगेडा सञ्चित गरेको छ । बैंकको प्रतिसेयर आम्दानी ११रुपैयाँ २४ पैसा , प्रतिसेयर नेटवर्थ १३२२९ पैसा, कर्जा निक्षेप अनुपात ७६.०६ प्रतिशत, निक्षेप लागत ७.९० प्रतिशत र पूँजी कोष अनुपात १९.०२ प्रतिशत रहेको उल्लेख छ ।

समीक्षा अवधिमा बैकले २६ करोड ८४ लाख रुपैयाँ खुद व्याज आम्दानीबाट ३० करोड ५८ लाख पुर्याएको छ । दोश्रो त्रैमाससम्म बैकले १३ अर्ब १० करोड निक्षेप संकलन गरेको छ भने कर्जा लगानी ११ अर्ब ५४ करोड पुगेको छ ।

बैंकको शूल्क तथा कमिशन र अन्य सञ्चालन आम्दानी घटेको छ भने बैदेशीक मुद्रा सहटीबाट हुने आम्दानी बढेको छ । बैंकको अन्य सञ्चालन खर्च दुर्इ करोड ३६ लाख तथा कर्मचारी खर्च एक करोड २८ लाख रूपैयाँले बढेको छ ।

त्यस्तै बैंकको सञ्चालन नाफा १८ करोड ८१ लाखबाट तीन करोड घटेर १५ करोड २९ लाखमा संकुचित भएको छ भने गत बर्षको तुलनामा बैंकको निष्कृय कर्जा असुली रकम पनि एक करोड ८० लाखले घटेको देखिन्छ ।

२०७४ माघ १७ गते प्रकाशित

२०७४ माघ १७ गते १५:५४ मा प्रकाशित

You can share this post!

प्रदेश सरकार सञ्चालनका लागि खटिए कर्मचारी

बैँकको ऋण लिएर उम्कन खोज्नेलाई छोडिन्न : अन्तर्वार्ता

Related posts