पोखरा । सोमबार बाट सुरु हुने एसियन कन्टिनेन्टल प्याराग्लिडिंग च्याम्पिन्सिपमा सहभागी हुने २२ देशका पाइलटले आइतबार पोखरामा मार्चपास गरेका छन् । पन्चे बाजा सहितको मार्चपासमा प्रतियोगी सबै पाइलटले आआफ्नो देशको रास्ट्रिय झन्डा लिएर सहभागिता जनाएका थिए ।
लेकसाइड को हल्लन् चोक बाट सुरु भएको मार्चपास अम्बोटमा पुगेर समापन भएको थियो । प्याराग्लाइडिङ बिश्वब्यापी संस्था फेडेरेसन अफ एरोनेटिक इन्टरनेसनलको बार्षिक क्यालेन्डर बमोजिम यही फेब्रोअरी ५ देखि फेब्रोअरी ९ सम्म पोखराको सरान्कोटमा एसिएन कन्टिनेन्टल प्याराग्लाइडिङ टुर हुन लागेको हो ।
नेपाल एअर स्पोर्ट्स एसोसिएन, नेपाल प्याराग्लाइडिङ पाइलट क्लब र नेपाल हेनग्लैडिङ तथा प्याराग्लाइडिङ संघको संयुक्त आयोजना र एसिएन कन्टिनेन्टल प्याराग्लाइडिङ एसोसिएन को प्राबिधिक सहयोगमा प्रतियोगिता हुनेछ ।
प्रतियोगितामा एसियाका नेपाल सहित २२ राष्ट्रका १५० खेलाडीले सहभागिता जनाउने र एफ ए आइको मापदण्ड पुरा गरेका अन्य खेलाडीले समेत भाग लिएकाछन् । प्याराग्लाइडिङ खेल साहसिक भएको र त्यो संगै सुरक्षाको हिसाबले अत्यन्तै चनाखो भएर प्रतियोगिता संचालन गर्नुपर्ने हुँदा सबै सुरक्षा निकाए, रेस्क्यु टिम, हेलिकप्टर र एम्बुलेन्स प्रतियोगिता अवधी भर तयारी अबस्थामा रहने आयोजकले जनाएको छ ।
५ दिन सम्म चल्ने प्रतियोगितामा एफ ए आइ को जुरी कमिटीले ५ वोटा छुट्टाछुट्टै टास्क दिने छ र पाँचै दिनको टास्क सबै भन्दा छिटो पुरागर्ने खेलाडीले प्रतियोगिताको उपाधि पाउनेछन साथै उत्कृस्ट पाइलटको एफ ए आइ को र्यांकिंगमा नम्बर समेत बढ्ने छ ।
ओभरल च्यम्पिएन, स्पोर्ट्स क्याटेगोरी र उमन्स क्याटेगोरीमा उत्कृस्ट खेलाडी छानिनेछ भने आयोजकको पहलमा नेपाल च्यम्पिएन र टिम च्याम्पियन छानिने छ । एफ ए आइ क्याटोगरि टु अन्तर्गत एस अघि १७ पटक नेपाल ओपन प्याराग्लाइडिङ च्यम्पिएन शिप आयोजना भैसकेको छ भने २ पटक प्याराग्लाइडिङको प्रि वर्ल्ड कप संचालन भैसकेको छ ।
२०७४ माघ २१ गते प्रकाशित
वि.सं.२०७४ माघ २१ आइतवार १८:१६ मा प्रकाशित
