काठमाडौ । नेपाल बिद्युत प्राधिकरणका कार्यकारी निर्देशक कुलमान घिसिङले बित्तिय पुनरसंरचना गरेपछि प्राधिकरणको घाटाको समाधान हुने र त्यसपछि ऐनमा व्यवस्था भए बमोजिम २५ प्रतिशत पव्लिक सेयर जारी गर्ने बताएका छन् । पव्लिक सेयर जारी भएसँगै प्राधिकरण स्वायत्त निकाय हुनेछ ।
घिसिङले नयाँ सरकार आएपछि प्राधिकरण सेयर निष्काशन बारे छलफल अगाडि बढाउने बताएका छन् । नयाँ सरकार बनेपछि नेपाल बिद्युत प्राधिकरणको वित्तीय संरचनाको प्रस्ताव अगाडि बढाएर सेयर जारी गर्ने प्रकृयामा लैजाने उनको भनाई छ ।
नेपाल बिद्युत प्राधिकरणमा कार्यकारी निर्देशक भएर आएको नौ महिनामै प्राधिकरणलाई सञ्चालन नाफामा लगेका घिसिङका अनुसार सबै प्रकृया सकाएर जनतालाई प्राधिरणको सेयर जारी गर्न एकदेखि डेढ बर्षसम्म लाग्नसक्छ । घिसिङले प्राधिकरणका परियोजना, उत्पादन, बितरण, व्यापार र इन्जिनियरिङ लगायतका १३ वटै कम्पनीका सेयर सर्वसाधारणका लागि ल्याइने छन् ।
विद्युत्त प्राधिकरणले सहायक कम्पनीहरु स्थापना गरि नौं सय मेगावटको दुधकोशी, ८२८ मेगावाटको उत्तरगंगाा, ७६२ मेगावाटको तमोर, सात सय मेगावाटको माथिल्लो अरुण, ६० मेगावाटको अरुण, ९० मेगावाटको तामाकोशी पाँचौ, र रोल्वालिङ २५ मेगावाटको जलविद्युत्त आयोजना बनाउने प्रकृया अगाडि बढाएको छ ।
माथिल्लो तामाकोशी ७०० मेगावाटको माथिल्लो अरुण परियोजनालाई सबैभन्दा सस्तो कम्पनी मोडलको रुपमा अगाडि बढाइदैँ छ । चिलिमेले दुईवटा परियोजनाको ६ सय मेगावटको परियोजना गर्दैछ । तामाकोसीले अर्को तामाकोसीको परियोजना अगाडी बढाउँदै छ । रोल्वालिङ २५ मेघावाटको पनि कार्यक्रम अगाडी बढेको छ ।
तत्कालका लागि दुधकोशी र माथिल्लो अरुणलाई तामाकोशी मोडलमा नै बनाउने उनले बताए । तामाकोसी कै अर्को तामाकोसी देखि मोदीका दुईवटा परियोजना कम्पनी मोडल मै बन्ने प्राधिकरण बताउँछ । कर्मचारी र जनताको पैसा उठाएर बनाउने भनेर केही ठूला आयोजना छुट्याइएको छ भने केही ऋण लगानी योजना बनिसकेको छ ।
दुधकोसीमा एसियाली बिकास बैक र माथिल्लो अरुणमा विश्व बैंकले ऋण सहयोग गर्नेछन् । कार्यकारी निर्देशक घिसिङ भन्छन, प्राधिकरणलाई इक्युटीको समस्या होईन, ऋणको समस्या हो । उनका अनुसार तामाकोसी पाँचौंको सेयर जनतामा जारी हुन २ वर्ष, माथिल्लो अरुण र दुधकोशीको चार बर्ष लाग्न सक्छ ।
कुलमान भन्छन् सबै विषय प्राधिकरणको बसमा मात्र हँुदैन । यदि हाम्रो कार्ययोजना अनुसार काम भए लेखेर राख्नुहोस अवको पाँच सात बर्षमा जनताको हातमा जलबिद्युतको सेयर नै सेयर हुनेछ ।
२०७४ माघ २२ गते प्रकाशित
वि.सं.२०७४ माघ २२ सोमवार ०७:२२ मा प्रकाशित
