रसुवागढीको एक करोड ६४ लाख २१ हजार ४० कित्ता सेयरमा क कस्ले गर्ने आवेदन ? पढ्नुहोस पुरा विवरण

काठमाडौ । रसुवागढी हाइड्रोपावर कम्पनीले फागुन ११ गतेदेखि एक करोड ६४ लाख २१ हजार ४० कित्ता साधारण सेयर जारी गर्ने भएको छ । कम्पनीले पहिलो चरणमा ऋणदाता संस्थाका कमर्चारी र कर्मचारी सञ्चयकोषमा रकम सञ्चित गर्ने कर्मचारीका लागि सेयर निष्काशन गर्न लागेको हो ।

उक्त सेयरमा कर्मचारी सञ्चय कोषमा रकम सञ्चित गर्ने सञ्चयकर्ताका लागि एक करोड ३३ लाख ४२ हजार ९५ कित्ता र संस्थापक संगठित संस्थाका कर्मचारीका लागि २३ लाख ९४ हजार ७३५ कित्ता तथा ऋणदाता संस्थाका कर्मचारीका लागि ६ लाख ८४ हजार २१० कित्ता छुट्याइएको छ ।

साधारण शेयर निष्काशनको बिक्री प्रबन्धकमा यसअघि नै सिद्दार्थ क्यापिटल लिमिटेडलाई नियुक्त गरिएको छ ।

कम्पनीले कर्मचारी सञ्चयकोषका सञ्चयकर्ता, संस्थापक शेयरमा लगानी गर्ने कम्पनीहरु नेपाल विद्युत प्राधिकरण, चिलिमे जलविद्युत् कम्पनी, रसुवा जिल्लाका सम्बन्धित स्थानीय तहका कर्मचारी र कर्मचारी सञ्चयकोषका कर्मचारीका लागि कुल एक करोड ६४ लाख २१ हजार ४० कित्ता सेयर जारी गर्न लागेको हो ।

कर्मचारी सञ्चयकोषमा काम गर्ने कर्मचारीहरुले भने न्यूनतम ५० कित्ता अर्थात पाँच हजार रुपैयाँ देखि १० अंकले भाग जाने संख्यामा अधिकतम दुई हजार ५०० कित्ता अर्थात दुई लाख पचास हजार रुपैयाँसम्मको सेयर माग गर्न सक्नेछन् ।

यस्तै सहायक बिक्री प्रबन्धकमा सनराइज क्यापिटल लिमिटेड, ग्लोबल आइएमई लिमिटेड र एनआइबिएल क्यापिटल लिमिटेड चयन भैसकेका छन् । सर्वसाधारणका लागि भने कम्पनीले दोस्रो चरणमा आइपिओ निष्काशन गर्नेछ ।

२०७४ माघ २८ गते प्रकाशित

२०७४ माघ २८ गते १४:०० मा प्रकाशित

You can share this post!

मेहनत र लगनशिलता भए पैसा कमाउन विदेश नै जानु पर्दैन

आर्थिक उपार्जनको माध्यम, जडीबुटी संकलनबाट व्यावसायिक बन्दै किसान

Related posts