एमाले-माओवादीबीच पार्टी एकीकरणको ड्राफ्ट तयार हुँदै, आजै हस्ताक्षर हुन सक्ने

काठमाडौं । प्रधानमन्त्री एवं नेकपा (एमाले)का अध्यक्ष केपी शर्मा ओली र नेकपा (माओवादी केन्द्र)का अध्यक्ष पुष्पकमल दाहालबीच भएको वान टु वान बार्ताले मुर्त रुप लिएको छ ।

फागुन ७ गते प्रजातन्त्र दिवसको दिन भएको बार्ताबाट दुई पार्टीबीच एकताको सहमतीमा पुगेको हो । नेताहरुका अनुसार आजै साँझ बस्ने पार्टी एकता संयोजन समितिको बैठकमा सहमती पत्रलाई मुर्त रुप दिँदै सहमतिमा हस्ताक्षर हुनसक्छ ।

दुई नेताबीच पार्टीको नाम, नेतृत्व र बैचारिक राजनीतिक विषयमा सहमति जुटेको एमालेका एक प्रभावशाली नेताले बताए । उनले आजको बार्ता ऐतिहासिक हुने बताए । प्रधानमन्त्री ओली बालुवाटार सरेकै दिन पार्टी नेताहरुलाई बार्ताका बारेमा विस्तृत जानकारी गराएका थिए ।

दुई नेताबीच भएको बार्ताले पार्टीको नाम ‘नेपाल कम्युनिष्ट पार्टी’ रहने सहमती गरेको छ । त्यस्तै ओली र प्रचण्ड दुबै अध्यक्ष रहनेछन् । त्यस्तै दुई नेताबीच आलोपालो प्रधानमन्त्री हुने सहमति जुटेको छ ।

जनताको बहुदलीय जनवाद, २१ औं सताब्दीको जनवाद, माओवाद लगायतका वैचारिक राजनीतिक विषयलाई महाधिवेशनसम्म बहसमा लैजान दुबै नेता सहमत भएका छन् ।

दुई नेताबीच भएको सहमतिलाई अन्तिम रुप दिन साँझ ७ बजे पार्टी एकता संयोजन समितिको बैठक बोलाइएको छ ।

२०७४ फागुन ७ गते प्रकाशित

२०७४ फागुुण ७ गते १७:०५ मा प्रकाशित

You can share this post!

विद्युत् आयोजनाका लागि विदेशी विनिमय सुविधा सिफारिससम्बन्धी निर्देशिका जारी

चार लाख घुस लिँदादिँदै पक्राउ परे चुडामणि

Related posts