काठमाडौँ । तीन मेगावाट क्षमताको भैरबकुण्ड हाईड्रोपावर लिमिटेडले ३१ लाख ८३ हजार २८० कित्ता साधारण सेयर जारी गर्ने भएको छ ।
कम्पनीको १५ औं बार्षिक साधारण सभाले प्रति कित्ता एक सय रुपैयाँ अंकित दरमा ३१ करोड ८३ लाख रुपैयाँ बराबरको आइपिओ जारी गर्ने प्रस्ताव पारित गरेको हो ।
बुधबार सम्पन्न कम्पनीको साधारण सभाले जारी पूँजी ६५ करोडको ४८ दशमलव ९७ प्रतिशत साधारण सेयर जारी गर्ने प्रस्ताव पारित गरेको हो । आइपिओपछि कम्पनीको चुक्तापूँजी ६५ करोड रूपैयाँ पुग्ने कम्पनीले जनाएको छ ।
कम्पनीले निष्कासन गर्न लागेको ३१ लख ८३ हजार २८० कित्ता सेयरमध्ये एक प्रतिशत आयोजनका कर्मचारी, दश प्रतिशत आयोजना प्रभावित स्थानीय बासिन्दालाई बिक्री गरेर बाँकी सेयर सर्वसाधारण लगानीकर्तालाई बिक्री गर्ने जनाएको छ ।
२०६६ भदौमा जेनेरेसन लाईसेन्स प्राप्त गरी २०७१ जेठ देखि उत्पादन शुरू गरिसकेको भैरवकुण्ड हाइड्रो सिन्धुपाल्चोक जिल्लाको परियोजना हो ।
२०७४ फागुन ९ गते प्रकाशित
वि.सं.२०७४ फागुन ९ बुधवार १५:०५ मा प्रकाशित
