काठमाडौ । तारागाउँ रिजेन्सी होटलले नगद लाभांश सहित साधारण सभाको मिति तोकेको छ । होटलले २१ औँ साधारण सभा चैत १२ गते भद्रकालीको आर्मी अफिसर क्लबमा डाकेको छ ।
कम्पनी सञ्चालक समितिको पुस २ गतेको बैठकले कम्पनीको हाल कायम चुक्ता पूँजी एक अर्ब ८८ करोड ६६ लाख ५४ हजार रुपैयाँको ७.३७ प्रतिशत नगद लाभांश वितरण गर्ने प्रस्ताव गरेको गरेको थियो ।
कम्पनीले साधारण सभाबाट गत आर्थिक वर्षमा कमाएको २८ करोड सात लाख ७२ हजार रुपैयाँ खुद नाफाबाट सेयरधनीलाई १४ करोड पाँच लाख ५५ हजार ७८६ रुपैयाँ नगद लाभांश वितरण गर्ने प्रस्ताव पारित गर्नेछ । होटलले फागुन १८ गते देखि नै बुक क्लोज गर्ने र फागुन १७ गतेसम्म कायम सेयरधनीले मात्र नगद लाभांश प्राप्त गर्ने जनाएको छ ।
२०७४ फागुन १५ गते प्रकाशित
वि.सं.२०७४ फागुन १५ मंगलवार २०:१२ मा प्रकाशित