काठमाडौ । राष्ट्रिय बाणिज्य बैङ्कको नौ करोड ९ कारोड ६१ लाख ५५ हजार रुपैँया घोटाला काण्डका २ अभियुक्तलाई सार्वजनिक गरेको छ । मोरङ प्रहरीले बैङ्कको बिबराटनगर शाखामा भएकको घोटाला काण्डमा संलग्न तोर्णराज राउत र विष्णु प्रसाद निरौलालाई सार्वजनिक गरेको हो ।
पक्राउ परेका विराटनगरको रानी भन्सार शाखाको सुख्खा बन्दरगाहा काउन्टर शाखाका ईञ्चार्ज वरिष्ठ सहायक राउतको बयानको आधारमा बैङ्कका शाखा प्रबन्धक निरौलालाई कार्यकक्षबाटै पक्राउ गरिएको प्रहरीले जनाएको छ ।
सोहि घोटालामा संलग्न भन्सार एजेन्ट ललित बोहरा र प्रतिनिधि सुरेश बोहरा हालसम्म फरार रहेको र उनिहरकको खोजि भइरहेको मोरङका प्रहरी प्रमुख एसपी अरुण बिसीले जानकारी दिए । भारतबाट आयात गर्दा भन्सार शूल्क दाखिला गर्ने क्रममा पेयी चेकमार्फत वाणिज्य बैङ्कको ९ करोड ६१ लाख ५५ लाख रुपैँया घोटाला भएको थियो ।
रानी भन्सारमा सामान क्लीयरिङ्ग गर्दा भन्सार एजेन्ट ललित बोहरा र प्रतिनिधि सुरेश बोहराको सुरेश क्लियरिङ्ग एण्ड फरवार्डिङ्ग सर्भिसमार्फत बैंकको सुख्खा बन्दरगाहाको भन्सार शाखामा बुझाइएका ती चेकहरु वाउन्स फेला परेका थिए । भन्सारको राजश्व खातामा जम्मा देखिएको ९ करोड ६१ लाख ५५ हजार रकम बैंकमा जम्मा नभएपछी बैंकमा घोटला भएको सार्वजनिक भएको थियो ।
प्रहरीले बैक घोटला काण्डको अनुसन्धान गर्नका लागि गएको ९ पुसदेखि १९ माघसम्म भन्सार एजेण्ट सुरेशमार्फत कारोबार भएको सम्पूर्ण विवरण पनि भन्सारसँग माग गरेको छ । जुन अवधिमा विभिन्न ४९ वटा औद्योगिक फर्महरुको बस्तु आयातको भन्सार शुल्कको कारोबार भएकोमा भन्सार एजेण्ट सुरेशमार्फत ४६ वटा फर्मले कारोबार गरेका थिए । उक्त अवधिमा १८ करोड ४० लाख ४४ हजार ७ सय ६५ रुपैयाँको कारोबार भएको थियो ।
२०७४ फागुन १६ गते प्रकाशित
वि.सं.२०७४ फागुन १६ बुधवार २०:५८ मा प्रकाशित