काठमाडौ । नेपाल स्टक एक्सचेन्जमा आईतबार बिभिन्न कम्पनीका १ करोड १९ लाख ४२ हजार ४ सय २३ कित्ता बोनस सेयर सूचीकृत भएको छ । नेप्सेमा प्रकाशित सूचना अनुसार आईतबार ८ वटा कम्पनीको १ अर्ब १९ करोड ४२ लाख ४२ हजार ३ सय रुपैँया बराबरको बोनस सेयर सूचीकृत भएको हो ।
सूचीकृत बोनसमा सबैभन्दा धेरै चिलिमे जलविद्युत कम्पनी लिमिटेडको ५१ लाख ७१ हजार ८ सय ८६.७२ कित्ता बोनस सूचीकृत भएको छ भने सबैभन्दा कम ग्लोबल आइएमई लघुवित्त वित्तिय संस्था लिमिटेडको १ लाख १३ हजार कित्ता बोनस सेयर रहेको छ ।
यसैगरि आईतबार नेप्सेमा लक्ष्मी लघुवित्त वित्तिय संस्था लिमिटेडको २ लाख २० हजार कित्ता बोनस सेयर सूचीकृत भएको छ । आईतबार नै एक्सेल डेभलपमेण्ट बैङ्क लिमिटेडको ११ लाख ५८ हजार ३ सय २.२५ कित्ता बोनस पनी सूचीकृत भएको छ ।
सूचीकृत हुने अन्यमा बरुण जलविद्युत कम्पनी लिमिटेडको १ लाख २१ हजार ५ सय कित्ता बोनस सेयर र स्वरोजगार लघुबित्त वित्तिय संस्था लिमिटेडको १ लाख ७४ हजार ९ सय ९६.८० कित्ता बोनस सेयर रहेका छन् ।
यस्तै आईतबार नै कैलाश विकास बैङ्क लिमिटेडको २२ लाख ९१ हजार ४ सय ८८ कित्ता बोनस र गुहेश्वरी मर्चेण्ट बैङ्किङ एण्ड फाईनान्स लिमिटेडको १० लाख ९१ हजार २ सय ४९.३१ कित्ता बोनस सेयर समेत सूचीकृत भएका छन् ।
२०७४ फागुन २८ गते प्रकाशित ।
वि.सं.२०७४ फागुन २८ सोमवार ०७:५५ मा प्रकाशित