काठमाडौ । गत असोजमा मात्रै २ सय प्रतिशत हकप्रद निष्काशन गरेको आरएसडीसी लघुवित्तले फेरी हकप्रद सेयर निष्कासनको तयारी गरेको छ । पुनः ६० प्रतिशत हकप्रदका लागि कम्पनीले धितोपत्र बोर्डमा निवेदन दिएको छ ।
आर्थिक वर्ष २०७३, ७४ को हकप्रद बाट चुक्तापूँजी ३४ करोड ३ लाख ७९ हजार पुर्याएको कम्पनीले अहिले फेरी ५ बराबर ३ को अनुपातमा २१ लाख ५९ हजार ७०० कित्ता हकप्रद निष्काशनको लागि अनुमति मागेको हो ।
प्रतिकित्ता ७ सय ४३ रुपैँया बजारमूल्य रहेको कम्पनीको प्रतिसेयर आम्दानी ७ रुपैँया १३ पैसा रहेको छ । कम्पनीको जम्मा बजार पूँजीकरण २ अर्ब ६७ करोड ४४ लाख २८ हजार ५ सय रुपैँया रहेको छ ।
६० प्रतिशत हकप्रद पश्चात कम्पनीको ५७ करोड ५९ लाख २० हजार रुपैँया चुक्तपूँजी पुग्नेछ । एनआइबीएल एस क्यापिटललाई बिक्री प्रबन्धक रोजेको कम्पनीले गत असोजमा २३ लाख २५ कित्ता हकप्रद निष्काशन गरेको थियो ।
२०७४ चैत ३ गते प्रकाशित ।
वि.सं.२०७४ चैत ३ शनिवार ०८:५४ मा प्रकाशित