काठमाडौ । नेपाल राष्ट्र बैङ्कले एक हप्ताको अन्तरमा पुनः ट्रेजरी निष्काशन गरेको छ । गत चैत ५ गते ट्रेजरी बिक्री गरेको बैङ्कले साेमबार फेरी १३ अर्ब ३३ करोड रुपैँयाको ट्रेजरी बिक्री गर्न लागेको हो ।
राष्ट्र बैङ्कको ट्रेजरी खरिदका लागि बैंकहरुले साेमबार दिउँसो ३ बजेसम्म आवेदन दिनुुपर्ने सुचना जारी भएको छ । बैङ्कले चार फरक अवधीको ट्रेजरी एकै पटक बिक्री गर्न लागेको हो ।
राष्ट्र बैंकका अनुसार कुुल ट्रेजरीमा २०७५ वैशाख ११ गते परिपक्क हुनेगरि २८ दिने अवधिको तीन अर्ब र २०७५ असार १२ गते परिपक्क हुनेगरि ९१ दिने अवधिको चार अर्ब तीन करोड रुपैँयाको ट्रेजरी रहेको छ ।
त्यस्तै २०७५ असोज १६ गते परिपक्क हुनेगरि एक सय ८२ दिने अवधिको चार अर्ब ३० करोड र २०७५ चैत १२ गते परिपक्क हुनेगरि तीन सय ६४ दिने अवधिको दुुई अर्ब रुपैयाँको रहेको छ ।
यसअघि चैत ५ गते राष्ट्र बैंकले ९१ दिने अवधिको पाँच अर्ब ६० करोड, एक सय ८२ दिने अवधिको दुुई अर्ब र तीन सय ६४ दिने अवधिको तीन अर्ब ५६ करोड रुपैयाँको ट्रेजरी बिक्री गरेको थियो ।
२०७४ चैत ११ गते प्रकाशित ।
वि.सं.२०७४ चैत ११ आइतवार २१:५८ मा प्रकाशित
