हेटौँडा । प्रदेश नंबर ३ सरकारले प्रदेश विकासको लागि बनाउने नीति तथा कार्यक्रममा जनताको सहभागिता रहनुपर्ने भन्दै नयाँ कदमको सुरुवात गरेको छ ।
सरकारको नजरमा नपरेका विषयहरु जनताको नजरमा हुने भन्दै सरकारले सार्वजनिक सूचना जारी गर्दै आम नागरिकसँग नीति तथा कार्यक्रम तर्जुमाको लागि सुझाव माग गरेको छ ।
जनताको सरकार भएको कारण हरेक काममा जनसहभागिता हुनुपर्ने भन्दै सरकारले नेपालको इतिहाँसमा नै पहिलो पटक जनतासँग सुझाव माग गरेको हो । नीति तथा कार्यक्रममा सबै समुदायको भावना रहनुपर्ने, हरेक क्षेत्रको विकास समावेश हुनुपर्ने भन्दै सरकारले यस्तो कदम चालेको मुख्यमन्त्रीका स्वकिय सचिव अनुप पौडेलले जानकारी दिए ।
प्रदेश सरकारले बुद्धिजिवी, किसान, ब्यवसायी, मजदुर, पेशाकर्मी, अनुसन्धानदाता, वालवालिका, युवा, महिला , जेष्ठ नागरिक, सहिद परिवार, अपांगता भएक ब्यक्तिको जीवनस्तरमा सुधार ल्याउने खालको योजना, नीति तथा कार्यक्रमहरु भएका सुझाव दिनको लागि आग्रह गरेको हो ।
विकास र समृद्धिको नारालाई मुख्य नारा बनाउँदै अघि बढने तयारी गरेको सरकारको यो कदमले सरकार जनतासँगै रहेको आभाष हुने बताइएको छ । मुख्यमन्त्री भएपछिको हरेक भाषणमा मुख्यमन्त्री डोरमणी पौडेलल विकास र समृद्धि आफ्नो मुल उदेश्य रहेको र जनसहभागितामा आधारित विकास नै प्राथमिकतामा पर्ने बताउँदै आएका थिए ।
मुख्यमन्त्री पौडेल र प्रदेश नंबर ३ सरकारको यो कदमले नेपालको राजनीतिमा नयाँ आयम दिने संभावना समेत रहेको छ । नेपालमा नीति निर्माणको तहमा जनसहभागिता नहुँदा ब्यवहारिक योजना निर्माण नहुने समस्या रहेको जनगुनासो रहेको अवस्थामा प्रदेश सरकारले गरेको यो काम प्रशंशनीय हुने अपेक्षा पनि सरकारले गरेको छ । यसको लागि सरकाले [email protected] मा आफ्ना सुझावहरु पठाउन आग्रह समेत गरेको छ ।
२०७४ चैत १६ गते प्रकाशित
वि.सं.२०७४ चैत १६ शुक्रवार २२:०२ मा प्रकाशित
