काठमाडौँ । रसुवागढी हाईड्रोपावर कम्पनी र साञ्जेन जलविद्युत्त कम्पनीको साधारण शेयर आइतबार बाँडफाँट हुने भएको छ। दुवै कम्पनीको शेयर आइतबार बाँडफाँट गरिने रसुवागढी हाईड्रोपावर कम्पनीका प्रमुख कार्यकारी अधिकृत माधव कोइरालाले जानकारी दिनुभयो।
कोइरालाका अनुसार दुवै कम्पनीको शुक्रवार धितोपत्र निष्कासन तथा बाँडफाँट निर्देशिका, २०७४ अनुसार बाँडफाँट मोडेल तयार गरेर स्वीकृतिको लागि नेपाल धितोपत्र बोर्ड पठाएको कोइरालाले जानकारीदिनुभयो ।
शुक्रवार भएको ‘प्रि एलटमेन्ट’मा निर्देशिकाले व्यवस्था गरे अनुसार सबै आवेदकलाई सबैभन्दा पहिले १० कित्ताका दरले बाँडफाँट गरिने छ। बाँकी रहेका सबै कित्ता पुन १० कित्ताकै दरले क्रमिक रूपमा बाँडफाँट गरिने छ। बाँडफाँटको अन्तमा १० कित्तानै सबै आवेदकलाई बाँडफाँट गर्न अपुग भए गोलाप्रथाबाट बाँकी रहेको कित्ता बाँडफाँट गरिने कोइरालाले बताउनुभयो ।
२०७४ चैत १७ गते प्रकाशित
वि.सं.२०७४ चैत १७ शनिवार १५:५५ मा प्रकाशित