काठमाडौ । पोखरा फाइनान्सले संस्थापक तथा साधारण सेयर लिलामी खुला गरेको छ । फाइनान्सले १५ प्रतिशत हकप्रदमा अवितरित एक लाख ८० हजार ७ सय १ कित्ता सेयर लिलामीमा बेच्न लागेकाे हो ।
फाइनान्सले संस्थापक समूहको ८० हजार ३४८ कित्ता र सर्वसाधारण समूहको १ लाख ३५३ कित्ता सेयर लिलामीमा बिक्री गर्न लागेको हो । कम्पनीले निष्काशन गरेको ९ लाख ८३ हजार ६८२ कित्ता हकप्रद मध्ये अवितरित उक्त परिमाणको सेयर न्यूनतम प्रतिकित्ता एक सय रुपैयाँमा लिलाम बढाबढमा विक्रीमा ल्याएको हो ।
बोनस र हकप्रद पछिको चुक्तापूँजी ८१ करोड ६४ लाख रूपैंया रहेको फाईनान्सको दोस्रो बजारमा प्रतिकित्ता सेयरमूल्य १४२ रुपैयाँ रहेको छ । कम्पनीले लिलामकिो जिम्मा एनआईबिएलएस क्यापिटललाई दिएको छ । प्रतिसेयर आम्दानी १२ रुपैयाँ ३० पैसा रहेको यस कम्पनीको प्रतिसेयर नेटवर्थ १५१ रुपैयाँ ३१ पैसा छ ।
फाइनान्सको लिलामी सेयरमा चैत २५ गते सम्म बिक्री प्रकन्धक एनआईबिएल एस क्यापिटल, पोखरा फाइनान्स न्यूरोड र एनआईबिएल बैंकका विराटनगर, सुर्खेत, बीरगञ्ज, नेपालगन्ज, बुटवल, नारायणगड र धनगढीका शाखा कार्यलयहरूबाट आवेदन गर्न सकिने जानईएको छ ।
२०७४ चैत १९ गते प्रकाशित ।
वि.सं.२०७४ चैत १९ सोमवार ०८:१६ मा प्रकाशित